Կանցկացուեն խորհրդարանական լսումներ «Աւտոտրանսպորտային
միջոցների օգտագործումից բխող պատասխանատւութեան պարտադիր
ապահովագրութեան մասին» օրինագծի վերաբերեալ
02-02-2010 20:58:00 | Հայաստան | Հասարակութիւն
ԵՐԵՎԱՆ, 2 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանի Ազգային
Ժողովում փետրուարի 12-ին կանցկացուեն «Աւտոտրանսպորտային միջոցների
օգտագործումից բխող պատասխանատւութեան պարտադիր ապահովագրութեան
մասին» կառավարութեան հեղինակած օրինագծին նուիրուած լսումներ:
Նախաձեռնողները Ֆինանսավարկային եւ բիւջէտային, Առողջապահութեան,
մայրութեան եւ մանկութեան հարցերի մշտական հանձնաժողովներն են: Այս
մասին ԱԺ-ի փետրուարի 2-ի նիստում յայտարարեց Ֆինանսավարկային եւ
բիւջէտային հարցերի մշտական յանձնաժողովի նախագահ, հանրապետական
Գագիկ Մինասեանը:
Ըստ նրա, հարցի կարեւորութիւնը պայմանաւորուած է նրանով, որ
այս օրինագիծը, որով առաջին անգամ անդրադարձ է կատարւում պարտադիր
ապահովագրութեանը, ուղղուած է իւրաքանչիւր քաղաքացու` թէ'
աւտոտրանսպորտային միջոցի մէջ գտնուողի, թէ' հետիոտնի, իրաւունքների
պաշտպանութեանը: