Կալկաթայում նշուվել է երիտասարդների եւ սիրոյ բարեխոս Սուրբ
Սարգսի տոնը
01-02-2010 19:30:00 | | Հասարակութիւն
ԿԱԼԿԱԹԱ, 1 ՓԵՏՐՈՒԱՐԻ, ՆՈՅԵԱՆ ՏԱՊԱՆ ՀԱՅԵՐՆ ԱՅՍՕՐ:
Կալկաթայում առանձնայատուկ ձեւով նշուվել է երիտասարդների եւ սիրոյ
բարեխոս Սուրբ Սարգիս Զորավարի եւ նրա որդու` Սուրբ Մարտիրոսի
տոնը: Ինչպէս հաղորդում է hetq.am կայքէջը, Կալկաթայի Հայոց
մարդասիրական ճեմարանում կազմակերպուել է նկարչութեան մրցոյթ:
Նախապէս յայտարարուած մրցոյթի մասնակից աշակերտները պէտք է
նկարեին Ս. Սարգսին: Մրցոյթից առաջ հնդկահայոց հովիւ, Հայոց
մարդասիրական ճեմարանի կառավարիչ Խորէն աբեղայ Յովհաննիսեանը օրհնել
է դպրոցի դահլիճում հավաքվածներին եւ խօսել տոնի խորհրդի եւ
կարեւորութեան, Զորավարի նահատակության մասին: Նա հորդորել է իր
սաներին սիրել միմեանց, եկեղեցին, հայրենիքը, հանդուրժող լինել:
Իսկ նկարչութեան մրցոյթի աւարտին հայր Խորենը լաւագոյն
աշխատանքների համար պարգեւատրել է երեք նկարիչների, գրում է
Կալկաթայի հայոց մարդասիրական ճեմարանի մամուլի բաժինը: