Տարակարծութիւններ են ծագել Պոլսո հայոց պատրիարքարանի
Կրոնական ժողովի եւ պատրիարքական ընտրութիւնների նախաձեռնող
յանձնախմբի միջեւ
26-01-2010 19:30:00 | | Հասարակութիւն
ՊՈԼԻՍ, 26 ՅՈՒՆՎԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Յունվարի
25-ին, Պոլսո հայոց պատրիարքարանի Կրոնական ժողովի եւ պատրիարքական
ընտրութիւնների նախաձեռնող յանձնաժողովի միջեւ տարակարծութիւններ
են ծագել: Ինչպէս տեղեկացնում է «Մարմարան», անցեալ շաբաթ պարզուել
է, որ հակառակ Կրոնական ժողովի որոշման, որ ընտրութիւնները տեղի
են ունենալու աթոռակից պատրիարք ընտրելու նպատակով, եւ որ
աթոռակիրց պատրիարք ընտրելու համար պէտք է դիմում ներկայացուի
իշխանութիւններին, նախաձեռնող մարմինը, ընդառաջելով իրաւագէտների
յանձնարարութեանը եւ հակասելով Կրոնական ժողովի որոշմանը, առանց
վերջինի կարծիքը հաշուի առնելու, դիմում է կատարել` ուղղակի
պատրիարքի ընտրութեան համար, եւ ոչ թէ` աթոռակից պատրիարքի:
Թերթից տեղեկանում ենք, որ Կրոնական ժողովը յունվարի 25-ի իր
զեկույցով ընդվզել է նախաձեռնող մարմնի այս դժուվար հասկանալի
գործելակերպի դէմ, եւ հաստատել է, որ «պարտն ու պատշաճը պիտի
տնօրինվի»:
«Ուզում ենք յուսալ, որ նախաձեռնող մարմինը, որ կազմուած է
բանիմաց անձերից, կգիտակցի, որ սխալ է գործել եւ քայլեր կձեռնարկի,
որոնք կը փրկեն համայնքը անհաճոյ հակամարտութիւններից ու
ժամավաճառություններից», գրում է «Մարմարան»: