ԱՆԹԻԼԻԱՍ, 26 ՅՈՒՆՎԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Յունվարի 23-ին, Ազգային «Ե. Մանուկեան» քոլեջի սրահում` Մեծի Տանն Կիլիկիոյ կաթողիկոսութեան հովանաւորութեամբ անցկացուել են լիբանանահայ վարժարանների միջնակարգ եւ երկրորդական բաժինների հայոց լեզուի եւ գրականութեան «Խաչիկ Պապիկյան» հիմնադրամի մրցումները, որոնց մասնակցել է շուրջ 60 աշակերտ: Ինչպէս տեղեկացնում են Անթիլիասի Պատրիարքարանի մամլոյ ծառայութիւնից, 18 միջնակարգ վարժարանները մրցումներին ներկայացրել են 36, իսկ 12 երկրորդական դպրոցները` 22 աշակերտ: Մրցումներն անցել են աշխոյժ մթնոլորտում, իւրաքանչիւր մասնակից աշխատել է հնարաւորին չափ ճիշտ պատասխանել ուղագրական, բոռոգիտական, քերականական, գրականագիտական, վերլուծական եւ շարադրական հարցերին: Մրցումները ցոյց են տուել, որ նման նախաձեռնութիւնները ոչ միայն օգտակար են այլեւ կարեւոր` աշակերտների մօտ հայերէնի նկատմամբ հետաքրքրութիֆւնը զարգացնելու առումով: Մրցումների երկրորդ փուլը` հայոց պատմութիւնից եւ կրօնից, տեղի է ունենալու մարտին: Այս տարի անցկացուելու նաեւ հայ երգի մրցոյթ: Յաղթողները պարգեւատրվելու են Արամ Ա կաթողիկոսի կողմից` հանդիսաւոր մրցանակաբաշխութեան ժամանակ:

---