Ազատութեան հրապարակում կառուցւող ավտոկայանտեղի շինարարական
աշխտանքները կաւարտուեն մայիսին
23-01-2010 18:30:00 | Հայաստան | Տնտեսութիւն
ԵՐԵՎԱՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Երեւանի
Ազատութեան հրապարակում կառուցւող ստորգետնեայ ավտոկայանտեղի
շինարարական աշխատանքները նախատեսւում է աւարտել այս տարուայ
մայիսին: Ինչպէս յունվարի 23-ին ավտոկայանտեղիում ընթացող
շինաշխատանքներին ծանօթանալուց յետոյ նշեց Երեւանի քաղաքապետ Գագիկ
Բեգլարեանը, աւտոկայանատեղի կառուցումը շատ կարեւոր է յատկապէս
քաղաքի երթեւեկութիւնը թեթեւացնելու առումով, քանի որ հրապարակի
տակ գնտվող եռահարկ, ժամանակակից տեխնիկական յագեցուածութեամբ
կայանատեղին նախատեսուած է միաժամանակ 500 մեքենա կայանելու համար:
Աւտոկայանատեղի կառուցման համար ընդհանուր առմամբ կծախսուի 4
մլրդ 150 մլն դրամ: «Կայանատեղին շատ կարեւոր է Երեւանի համար,
որովհետեւ քաղաքի կենտրոնը բեռնաթափւում է մեքենաներից,
արդիւնքում բաւականին անցանելի փողոցներ կունենանք: Նախատեսում
ենք նման եւս մի քանի աւտոկայանատեղիներ ստեղծել Երեւանում»,- ասաց
նա:
Ստորգետնեայ ավտոկայանատեղիի շինարարութիւնը սկսուել է 2008
թ.-ի 4-րդ եռամսյակում, որն իրականացնում է «Ռենկօ» ՍՊԸ-ն:
Ընկերութեան տեխնիկական տնօրէն Տիցիանո Ռոնկին քաղաքապետին
աշխատանքների ընթացքը ներկայացնլիս նշեց, որ կայանատեղիում
կտեղադրուեն օդափոխության, լուսաւորութեան, անվտանգութեան լաւագոյն
համակարգերը: Ավտոկայանատեղում ամբողջ շարժը կնկարահանուի
տեսախցիկներով, կլինեն նաեւ ցուցանակներ վարորդներին ուղղորդելու
համար: Հաշմանդամների համար նախատեսուած են տեղափոխությունը
հեշտացնելու համար վերելակներ: Կայանատեղից օգտուելու համար
քաղաքապետարանը կմշակի քաղաքականութիւն եւ գնացուցակ, որոնք
լրացուցիչ կներկայացուեն քաղաքացիներին: Եւրոպական աւտոմատացուած
մեխանիզմները ցոյց կտան, թէ որ հարկում որքան տեղ կայ ազատ եւ
ինչպէս կարելի է օգտուել: Գ.Բեգլարեանը ընդգծեց, որ առեւտրի
կրպակներ ստորգետնեայ կայանատեղում չեն լինի, իսկ բեռնատարներ
մեքենաներին կարգելուի այնտեղ կայանել: Նշուեց նաեւ, որ
շինաշխատանքների աւարտից յետոյ Ազատութեան հրապարակում գտնուող
Յովհաննէս Թումանյանի եւ Ալեքսանդր Սպենդիարեանի յուշարձանները
նոյնութեամբ կվերականգնուեն, եւ հրապարակը կստանայ իր նախկին տեսքը:
Առաջիկայում կկատարուեն հրապարակի ծածկի ջրամեկուսացման եւ
ասֆալտապատման աշխատանքներ: Արդէն աւարտուել են հատակների, ներքին
յարդարման աշխատանքները, հակահրդեհային խողովակաշարի մոնտաժը,
ներկայումս ընթանում է էլեկտրասարքավորումների տեղադրումը: