ԱՇԽԱՏԱՆՔԻ ՄԻՋԱԶԳԱՅԻՆ ԿԱԶՄԱԿԵՐՊՈՒԹԻՒՆ. ՖԻՆԱՆՍԱԿԱՆ ՃԳՆԱԺԱՄԸ
ԿՈՒԼ ԿՏԱՅ 20 ՄԼՆ ԱՇԽԱՏԱՏԵՂ
21-10-2008 15:32:00 | | Միջազգային
ԺՆԵՎ, 21 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Քսան միլիոն աշխատատեղ
կանհետանա մինչեւ եկող տարուայ վերջ գլոբալ տնտեսութեան վրայ
համաշխարհային ֆինանսական ճգնաժամի ազդեցութեան հետեւանքով, նշում
է Աշխատանքի միջազգային կազմակերպութիւնը (ԱՄԿ):
Շինարարութիւն, անշարժ գոյք, ֆինանսական ծառայութիւններ եւ
աւտոմոբիլային սեկտոր` հենց այս ճիւղերին առաջին հերթին կհասնի
հարուածը, յայտնել է ԱՄԿ գլխաւոր տնօրէն Խուան Սոմավիան:
Նա նշել է, որ ԱՄԿ-ն, որն աշխատում է շատ ու շատ
կառավարությունների, գործատուների եւ բանուորների հետ համատեղ,
կմասնակցի աշխատատեղերի ստեղծման հարցերի առնչութեամբ ճգնաժամի դէմ
պայքարի քննարկման գործընթացին, հաղորդում է «Ռոյթերը»: