ՀԱՅԱՍՏԱՆ ՀԱՄԱՀԱՅԿԱԿԱՆ ՀԻՄՆԱԴՐԱՄԻ «ՀԵՌՈՒՍՏԱՄԱՐԱԹՈՆ 2008»-Ը
ԿՄԵՐԿՆԱՐԿԻ ՆՈՅԵՄԲԵՐԻ 27-ԻՆ
14-10-2008 15:50:00 | Հայաստան | Տնտեսութիւն
ԵՐԵՎԱՆ, 14 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: «Հայաստան»
համահայկական հիմնադրամի «Հեռուստամարաթոն 2008»-ը այս տարի
կանցկացուի նոյեմբերի 27-ին Լոս Անջելեսում: Ինչպէս «ՆՈՅԵԱՆ
ՏԱՊԱՆ»-ի թղթակցին յայտնեցին հիմնադրամի Հասարակայնութեան հետ
կապերի բաժնից, ամբողջ աշխարհում մարաթոնի հեռարձակմանը
հնարաւորութիւն ունեն հետեւելու աւելի քան յիսուն միլիոն
ընտանիքներ, որոնցից քառասուն միլիոնը` ԱՄՆ-ում: 1996թ.-ից
իրականացyող ամենամեայ հեռուստամարաթոնը տարէցտարի հավաքագրվող
գումարների աճ է արձանագրում: Իր գործունէութեան 17 տարիների
ընթացքում հիմնադրամն իրականացրել է շուրջ 185 մլն դոլարի ծրագրեր:
Նշուեց նաեւ, որ այս անգամ նվիրատվությունները կիրականացուեն
նոր, հեշտացուած կարգով: Մինչեւ տարեվերջ բոլոր ցանկացողները կարող
են մասնակցել Հայաստանի եւ Արցախի գիւղերի զարգացմանն ուղղուած
դրամահավաքին` համապատասխան ներդրումները փոխանցելով «Հայփոստ»-ի
բաժանմունքների միջոցով: Եթէ նախկինում Հայաստանում բնակուող մանր
նուիրատւութիւններ կատարել ցանկացող քաղաքացիները դժուարանում էին
իրենց հարիւր կամ հազար դրամը փոխանցել հիմնադրամին, այժմ դա
միանգամայն իրագործելի է. անկախ նուիրատւութեան չափից: Անգամ եթէ
այն կազմում է 10 դրամ, ապա փոստային բաժանմունքների օպերատորներն
այսուհետ պատրաստ են ընդունել գումարը` նվիրատուին տրամադրելով
համապատասխան կտրօն:
«Հեռուստամարաթոն 2008»-ի գլխաւոր հովանաւորն է
«վիվասել-ՄՏՍ»-ը, հովանաւորներ` «Արդշինինվեստբանկ» ՓԲԸ, «Հայփոստ»
ՓԲԸ, «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ»-ը, ինֆորմացիոն հովանաւորը`
Հայաստանի հանրային հեռուստաընկերությունը` Հ1-ը: