ԼԱՊԱՍ, 13 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Բոլիւիայի
կառավարութիւնը ռազմական դրութիւն է յայտարարել երկրի
հիւսիսային Պանդո դեպարտամենտում, որտեղ արիւնոտ բախումներ են
տեղի ունեցել նախագահ Էվո Մորալեսի կողմնակիցների եւ
հակառակորդների միջեւ:
Զոհվածների թիւը ներկայ դրութեամբ հասել է 15 մարդու, տասնեակ
մարդիկ վիրաւորուել են: Իշխանութիւնները կատարուածը բնորոշել են
որպէս «արիւնոտ սպանդ»:
Երկրում յայտարարուել է ազգային սուգ: