ՊԱՏԺԻ ԿՐՈՒՄԻՑ ՎԱՂԱԺԱՄԿԷՏ ՊԱՅՄԱՆԱԿԱՆ ԱԶԱՏ Է ԱՐՁԱԿՈՒԵԼ ԱՐՄԷՆ
ՍԱՐԳՍԵԱՆԸ` ՎԱԶԳԷՆ ՍԱՐԳՍԵՅԱՆԻ ԵՂԲԱՅՐԸ
11-09-2008 16:00:00 | Հայաստան | Հասարակութիւն
ԵՐԵՎԱՆ, 11 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Դատարանի կողմից
նշանակուած պատժաչափի կէսը կրելուց յետոյ սեպտեմբերի 10-ին
վաղաժամկէտ պայմանական ազատ է արձակուել Արմէն Սարգսեանը` նախկին
վարչապետ, 1999թ. հոկտեմբերի 27-ի ահաբեկութեան զոհ Վազգէն
Սարգսեյանի եղբայրը: Այս մասին «ՆՈՅԵԱՆ ՏԱՊԱՆ»-ին յայտնեց ՀՀ
արդարադատութեան նախարարութեան քրէակատարողական վարչութեան պետի
մամուլի քարտուղար Արսէն Բաբայեանը: Յիշեցնենք, որ Ա.Սարգսեանը 10
տարուայ ազատազրկման էր դատապարտուել Հանրային
հեռուստառադիոընկերության խորհրդի նախագահ Տիգրան Նաղդալեանի
սպանութիւնը պատուիրելու մեղադրանքով: Պատժի կրումից վաղաժամկէտ
ազատ արձակելու հարցերով զբաղուող յանձնաժողովը, ապա` նաեւ դատարանը
որոշել է, որ յետագայ պատիժը կրելու կարիք չկայ` հաշուի առնելով նրա
վարքը, եւ վճռել է վաղաժամկէտ ազատ արձակել նրան: