ՎԶԵԲ-Ը ԱՌԱՋԻԿԱՅ ՄԷԿ ԱՄՍՈՒՄ ԿՍԿՍԻ «ՎՏԲ-ՀԱՅԱՍՏԱՆ ԲԱՆԿ»-Ի
ՄԻԿՐՈ, ՓՈՔՐ ԵՎ ՄԻՋԻՆ ՁԵՌՆԱՐԿՈՒԹԻՒՆՆԵՐԻ ՎԱՐԿԱՒՈՐՄԱՆ ԾՐԱԳՐԻ
ՖԻՆԱՆՍԱՎՈՐՈՒՄԸ
08-09-2008 20:00:00 | Հայաստան | Տնտեսութիւն
ԵՐԵՎԱՆ, 8 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Նախատեսւում է, որ
սեպտեմբերի վերջին կամ հոկտեմբերի սկզբին Վերակառուցման եւ
զարգացման եւրոպական բանկը (ՎԶԵԲ) կսկսի «ՎՏԲ-Հայաստան բանկ»-ի
միկրո, փոքր եւ միջին ձեռնարկութիւնների վարկաւորման ծրագրի
ֆինանսավորումը: Այս մասին սեպտեմբերի 8-ի ասուլիսում յայտնեց
«ՎՏԲ-Հայաստան բանկ» ՓԲ ընկերութեան գլխաւոր տնօրէն, տնօրինության
նախագահ Վալերի Օվսյաննիկովը:
Նրա խօսքերով, ներկայումս ընթանում են կողմերի միջեւ վարկային
պայմանագրի վերջնական մշակման աշխատանքները: Պայմանագրի պայմանները
ներկայացուած են ՎԶԵԲ-ի Վարկային կոմիտէի քննարկմանը:
Վ.Օվսյաննիկովը յաւելեց, որ նշուած վարկային ծրագիրը կունենայ
նաեւ առեւտրի ֆինանսաւորման բաղադրիչ: Նա չյստակեցրեց, թէ որքան է
պայմանագրի արժողութիւնը, սակայն նշեց, որ այն նշանակալի կլինի
Հայաստանի բանկային ծառայութիւնների շուկայի համար: «Մենք մի քանի
միլիոն դոլարի համար չէինք խլի ՎԶԵԲ-ի յարգելի գործընկերների
ժամանակը»,- նշեց «ՎՏԲ-Հայաստան բանկ»-ի գլխաւոր տնօրէնը`
յաւելելով, որ ՎԶԵԲ-ի մօտեցումը տուեալ բանկի մինչեւ կապիտալի
առաւելագոյն չափով ֆինանսավորելն է:
Նշենք, որ «ՎՏԲ-Հայաստան բանկ»-ի ընդհանուր կապիտալը այս
տարուայ օգոստոսի 31-ի դրութեամբ կազմել է 22,79 մլրդ դրամ (մօտ 75,5
մլն ԱՄՆ դոլար):