ՊԱԿԻՍՏԱՆՈՒՄ ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐԸ ՏԵՂԻ ԿՈՒՆԵՆԱՆ
ՍԵՊՏԵՄԲԵՐԻ 6-ԻՆ
22-08-2008 16:43:00 | | Միջազգային
ԻՍԼԱՄԱԲԱԴ, 22 ՕԳՈՍՏՈՍԻ, ՆՈՅԵԱՆ ՏԱՊԱՆ: Պակիստանի ընտրական
յանձնաժողովը որոշել է պետութեան նոր ղեկավարի ընտրություններն
անցկացնել սեպտեմբերի 6-ին` երեք շաբաթ անց գործող նախագահ Փերվեզ
Մուշարաֆի հրաժարականի յայտարարութիւնից յետոյ:
Սեպտեմբերի 6-ին խորհրդարանի երկու պալատների եւ չորս
նահանգային վեհաժողովների պատգամաւորները պէտք է ընտրեն Մուշարաֆի
յետնորդին, որը վճռեց թողնել իր պաշտօնը` կառավարող կոալիցիայի
կողմից իմպիչմենթի ընթակարգից խուսափելու համար:
Ըստ ընտրական յանձնաժողովի քարտուղար Կանվար Դիլշադի,
թեկնածուների առաջադրումը պէտք է սկսուի օգոստոսի 26-ին:
Մուշարաֆը, որ համարւում է ԱՄՆ-ի հաւատարիմ դաշնակիցը,
իշխանութիւնը Պակիստանում իր ձեռքում էր պահում 9 տարի շարունակ:
Նա` որպէս քաղաքացիական նախագահ, երդում էր տուել անցած տարուայ
նոյեմբերին: