ԵՐԵՒԱՆՈՒՄ ՏԵՂԻ ՈՒՆԵՑԱՒ «ՇԱԽՄԱՏԱՅԻՆ ՀՍԿԱՆԵՐ» ՄԻՋԱԶԳԱՅԻՆ
ՄՐՑԱՇԱՐԻ ԲԱՑՄԱՆ ՀԱՆԴԻՍԱՒՈՐ ԱՐԱՐՈՂՈՒԹԻՒՆԸ
09-06-2008 14:00:00 | Հայաստան | Սպորտ
ԵՐԵՎԱՆ, 9 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 8-ին Երեւանի
Տիգրան Պետրոսեանի անուան շախմատի տանը տեղի ունեցաւ «Շախմատային
հսկաներ» անուանումով միջազգային մրցաշարի բացման հանդիսաւոր
արարողութիւնը: Մրցաշարին մասնակցում են 8 գրոսմայստերներ` Մայքլ
Ադամսը (Անգլիա), Լեւոն Արոնեանը (Հայաստան), Բու Քսիանջին
(Չինաստան), Բորիս Գելֆանդը (Իսրայել), Պետեր Լեկոն (Հունգարիա),
Վլադիմիր Յակոբեանը (Հայաստան), Ալեքսանդր Մորոզեւիչը (Ռուսաստան)
եւ Գաբրիէլ Սարգսեանը (Հայաստան):
Մասնակիցներին եւ շախմատասերներին ողջունեց ՀՀ վարչապետ,
շախմատի հանրապետական ֆեդերացիայի փոխնախագահ Տիգրան Սարգսեանը:
Ապա տեղի ունեցաւ վիճակահանութիւնը:
Յունիսի 9-ին Ալեքսանդր Սպենդիարեանի անուան օպերայի եւ բալետի
պետական ակադեմիական թատրոնի շէնքում կկայանան առաջին փուլի
հանդիպումները: Պարտիաները նշանակուած են ժամը 18-ին: