ՀՀ ԱԺ-Ն ԱՒԱՐՏԵՑ 2007Թ. ՊԵՏԲԻՒՋԷԻ ԿԱՏԱՐՈՂԱԿԱՆԻ ՔՆՆԱՐԿՈՒՄԸ
21-05-2008 17:00:00 | Հայաստան | Տնտեսութիւն
ԵՐԵՎԱՆ, 21 ՄԱՅԻՍԻ, ՆՈՅԵԱՆ ՏԱՊԱՆ: ՀՀ Ազգային ժողովը մայիսի
21-ին աւարտեց 2007թ. պետական բիւջէի կատարման տարեկան
հաշուետւութեան քննարկումը: Ըստ այդմ, փաստացի եկամուտները կազմել
են 588 մլրդ դրամ, կատարողականը` 104,6 տոկոս: 2006թ. համեմատ, աճը
կազմել է 33,2 տոկոս: Ծախսերը կազմել են 634,7 մլրդ դրամ,
կատարողականը` 100,3 տոկոս, 2006-ի նկատմամբ աճը` 31,9 տոկոս:
Դեֆիցիտը կազմել է 46,7 մլրդ դրամ, կատարողականը` 66,2 տոկոս,
2006թ. համեմատ աճը` 17,6 տոկոս:
ՀՀ վարչապետ Տիգրան Սարգսեանը իր եզրափակիչ ելոյթում
շնորհակալութիւն յայտնեց պատգամաւորներին շահագրգիռ քննարկումների
համար եւ հաւաստիացրեց, որ ոչ մի դիտողություն եւ առաջարկութիւն
չի վրիպել կառավարութեան ուշադրութիւնից: Նա վստահեցրեց, որ գալիք
տարուայ բիւջէի նախագծի քննարկումների ժամանակ կառավարութիւնը
կփորձի մանրակրկիտ եւ սպառիչ պատասխան տալ պատգամաւորներին
մտահոգող բոլոր հարցերին:
2007թ. պետբիւջէի կատարողականի քվեարկությունը կիրականացուի
մայիսի 22-ին: Կատարողականին միակ դէմ քուէարկելու մտադրութիւնը
յայտնած խմբակցութիւնը «Ժառանգութիւնն» է: Վերջինի ներկայացուցիչ
Արմէն Մարտիրոսեանը իրենց դիրքորոշումը պայմանավորեց նրանով, որ
2007թ. պետբիւջէն չի լուծել շարքային քաղաքացու սոցիալ-կենցաղային
հարցերը եւ չի ուրուագծել Հայաստանի յետագայ տնտեսական զարգացմանն
ուղղուած քայլերը: