ՍՈՖԻԱՅՈՒՄ ԱՆՑԿԱՑՈՒՈՂ ՇԱԽՄԱՏԻ ՄԻՋԱԶԳԱՅԻՆ ՄՐՑԱՇԱՐՈՒՄ
ԱՒԱՐՏՈՒԵՑԻՆ ԱՌԱՋԻՆ ՇՐՋԱՆԻ ՀԱՆԴԻՊՈՒՄՆԵՐԸ
13-05-2008 19:35:00 | | Սպորտ
ՍՈՖԻԱ, 13 ՄԱՅԻՍԻ, ՆՈՅԵԱՆ ՏԱՊԱՆ: Սոֆիայում անցկացուող շախմատի
միջազգային մրցաշարի 5-րդ փուլում, որը կայացաւ մայիսի 13-ին,
Լեւոն Արոնեանը պարտուեց առաջատար Վասիլի Իւանչուկին (Ուկրաինա),
որը 5 հնարաւորից 5 միաւոր վաստակելով` շարունակում է միանձնեայ
գլխաւորել մրցաշարային աղիւսակը:
3,5 միաւոր ունի Վեսելին Թոփալովը (Բուլղարիա), Թեյմուր
Ռաջաբովը (Ադրբեջան) եւ Իվան Չեպարինովը (Բուլղարիա) ունեն 2-ական,
Լեւոն Արոնեանը` 1,5, իսկ Բու Սյան Չժին (Չինաստան)` 1 միաւոր:
Մրցաշարի առաջին շրջանն աւարտուեց, եւ մայիսի 13-ին հանգստի օր
է յայտարարուած: Մայիսի 14-ին նշանակուած 2-րդ շրջանի 1-ին փուլում
Լ.Արոնեանը կմրցի Վ.Թոփալովի հետ: