ՀՀ ՆԱԽԱԳԱՀԻ ԱՇԽԱՏԱԿԱԶՄԻ ՀԱՄԱՐ 2007 Թ.-Ի ԲԻՒՋԷՏԱՅԻՆ
ՅԱՏԿԱՑՈՒՄՆԵՐԸ ԱՄԲՈՂՋՈՒԹԵԱՄԲ ՕԳՏԱԳՈՐԾՈՒԵԼ ԵՆ
13-05-2008 17:00:00 | Հայաստան | Տնտեսութիւն
ԵՐԵՎԱՆ, 13 ՄԱՅԻՍԻ, ՆՈՅԵԱՆ ՏԱՊԱՆ: ՀՀ նախագահի աշխատակազմի
համար 2007թ.-ի բիւջէով նախատեսուած է եղել 2,8 մլրդ դրամ, որը եւ
գրեթէ ամբողջութեամբ օգտագործուել է: Այս մասին մայիսի 13-ին
Ազգային ժողովի մշտական յանձնաժողովների նիստում նշեց ՀՀ գլխաւոր
գանձապետ Ատոմ Ջանջուղազյանը: Այդ գումարից 2,53 մլրդ դրամը
նախատեսուած էր պահպանման ծախսերի եւ մօտ 450 մլն դրամ` վարչական
օբյեկտների հիմնանորոգման համար: Սակայն, տարուայ ընթացքում առաջացած
անհրաժեշտութեան պատճառով վերաբաշխում է կատարուել եւ ընթացիկ
ծախսերը նուազեցնելու հաշուին աւելացուել են վարչական օբյեկտների
հիմնանորոգման ծախսերը, որոնց համար ճշտուած ծրագրով նախատեսուած 726
մլն դրամն օգտագործուել է ամբողջութեամբ:
Բացի այդ, նախագահի աշխատակազմի կողմից 112,8 մլն դրամի
աջակցութիւն է ցուցաբերվել Քաղաքական հետազօտութիւնների
ինստիտուտին, 100-ական մլն դրամ յատկացուել է ծխելու դէմ պայքարի եւ
հասարակական կազմակերպություններին պետական աջակցութեան ծրագրերով: