ՀԱՅԱՍՏԱՆԻ ԱՌԵՎՏՐԱՅԻՆ ԲԱՆԿԵՐԻ ՀԱՇՈՒԵԿՇՌԱՅԻՆ ԸՆԴՀԱՆՈՒՐ
ԿԱՊԻՏԱԼԸ 2008 Թ.-Ի ԱՌԱՋԻՆ ԵՌԱՄՍՅԱԿՈՒՄ 6%-ՈՎ ԱՃԵԼ Է
06-05-2008 20:00:00 | Հայաստան | Տնտեսութիւն
ԵՐԵՎԱՆ, 6 ՄԱՅԻՍԻ, ՆՈՅԵԱՆ ՏԱՊԱՆ: 2008թ.-ի մարտի 31-ի
դրութեամբ Հայաստանում գործել են 22 առեւտրային բանկեր` 358
մասնաճիւղերով: ՀՀ Կենտրոնական բանկի տուեալներով, բանկերի փաստացի
լրացուած կանոնադրական հիմնադրամը նշուած ժամկէտին կազմել է 121 մլրդ
336 մլն 714 հազար դրամ (մօտ 395 մլն ԱՄՆ դոլար) եւ 2008թ.-ի
առաջին եռամսյակում աճել 4,2%-ով: Բանկերի հաշուեկշռային ընդհանուր
կապիտալը 2008թ.-ի մարտի 31-ի դրութեամբ կազմել է 181 մլրդ 943 մլն
646 հազար դրամ` այս տարուայ առաջին եռամսյակում աճելով 6%-ով:
Հայաստանի առեւտրային բանկերի ընդհանուր պարտաւորութիւնների
ծաւալը 2008թ.-ի մարտի 31-ի դրութեամբ կազմել է 618 մլրդ 221 մլն
649 հազար դրամ եւ 2008թ.-ի առաջին եռամսյակում աճել 4,3%-ով.
ընդհանուր ակտիւների ցուցանիշները կազմել են, համապատասխանաբար,
800 մլրդ 165 մլն 295 հազար դրամ եւ 4,7%:
2008թ.-ի մարտի 31-ի դրութեամբ առեւտրային բանկերի 513 մլրդ
527 մլն 445 հազար դրամ ընդհանուր գումարի վարկերի եւ դեբիտորական
պարտքերի պորտֆելի 96,2%-ը կազմել են ստանդարտ վարկերը եւ
պարտքերը:
Բանկերի կողմից ռեզիդենտներին տրուած վարկերի, աւանդների,
ֆակտորինգով եւ լիզինգով տրամադրուած գումարների ընդհանուր ծաւալը
2008թ.-ի մարտի 31-ի դրութեամբ կազմել է 489 մլրդ 724 մլն 33 հազար
դրամ` նշուած եռամսյակում աճելով 12,7%-ով: Արդիւնաբերութեան
ճյուղին տրամադրվել է 64 մլրդ 720 մլն 228 հազար դրամ` եռամսյակում
աճելով 15%-ով, գիւղատնտեսութեան ճիւղի պարագայում տրամադրուած 24
մլրդ 51 մլն 929 հազար դրամ գումարը նշուած եռամսյակում աճել է
7,5%-ով, շինարարութեան ճիւղի պարագայում այդ ցուցանիշները կազմել
են, համապատասխանաբար, 25 մլրդ 639 մլն 74 հազար դրամ եւ 16,4%,
տրանսպորտի եւ կապի ճիւղի պարագայում` 7 մլրդ 55 մլն 759 հազար
դրամ եւ 20,6%:
Առեւտրի ճյուղին տրամադրուած գումարների ծաւալը կազմել է 97
մլրդ 617 մլն 769 հազար դրամ` 2008թ.-ի առաջին եռամսյակում աճելով
12,5%-ով: Տնտեսութեան ֆինանսական հատուածին տրամադրվել է 26 մլրդ
416 մլն 231 հազար դրամ գումար (աճել է 18,5%-ով), տրամադրուած
սպառողական վարկերի ծաւալը կազմել է 138 մլրդ 399 մլն 973 հազար
դրամ (12%): Հիփոթեքային վարկաւորման ոլորտում այդ ցուցանիշները
կազմել են 59 մլրդ 327 մլն 163 հազար դրամ եւ 11%, այլ ճիւղերի
պարագայում` 46 մլրդ 495 մլն 907 հազար դրամ եւ 11%:
ՀՀ առեւտրային բանկերի 2008թ.-ի առաջին եռամսյակի համախառն
եկամուտները կազմել են 34 մլրդ 652 մլն 447 հազար դրամ: Այդ
ընթացքում դրանց համախառն ծախսերը կազմել են 27 մլրդ 296 մլն 218
հազար դրամ, զուտ եւ չբաշխված շահույթները` 5 մլրդ 759 մլն 674
հազար դրամ: