ԵՒՐՈՊԱՅԻ ԱՌԱՋՆՈՒԹԻՒՆՈՒՄ ՀԱՅԱՍՏԱՆԻ 7 ԸՄԲԻՇՆԵՐԻՑ 6-Ը ԱՆՄԱՍՆ
ՄՆԱՑԻՆ ԵԴԱԼՆԵՐԻՑ ԵՎ ՕԼԻՄՊԱԻԱԿԱՆ ՈՒՂԵԳՐԵՐԻՑ
02-04-2008 18:45:00 | | Սպորտ
ՏԱՄՊԵՐԷ, 2 ԱՊՐԻԼԻ, ՆՈՅԵԱՆ ՏԱՊԱՆ: Ֆինլանդիայի Տամպերէ
քաղաքում անցկացուող Եւրոպայի ազատ ըմբշամարտի առաջնութիւնում
Հայաստանի պատուիրակներ Միհրան Ջավուրյանը (55 կգ), Ժիրայր
Յովհաննիսեանը (66 կգ) եւ Վադիմ Լալիեւը (84 կգ) 3-րդ եւ 4-րդ
տեղերի համար պայքարում պարտուեցին մրցակիցներին, անմասն մնացին
խաղարկուած պարգեւներից եւ «Պեկին 2008»-ի օլիմպիական ուղեգրերից:
Ապրիլի 2-ին մրցագորգ ելան Մարտին Բերբերեանը (60 կգ), Սուրէն
Մարկոսեանը (74 կգ) եւ Էդգար Ենոքյանը (96 կգ): Մ.Բերբերեանը եւ
Է.Ենոքյանը ձախողուեցին եւ 2-րդ շրջանից յետոյ զրկվեցին պայքարը
շարունակելու իրաւունքից: Ս.Մարկոսեանը 2 յաղթանակ եւ 1
պարտութիւն է գրանցել իր հաշուին: Հնարաւոր, նա կարողանայ մասնակցել
բրոնզէ մեդալի համար պայքարին: