ԵՐԵՒԱՆՈՒՄ ԲԱՑՈՒԵՑ «ԼԻՏԵՐԱՏՈՒՐՆԱՅԱ ԳԱԶԵՏԱ» ԹԵՐԹԻ ԹՂԹԱԿՑԱԿԱՆ
ԿԷՏ
11-09-2008 20:10:00 | Հայաստան | Մշակոյթ
ԵՐԵՎԱՆ, 9 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Ռուսաստանի հետ
բարեկամութեան եւ համգործակցության ընկերութեան նախաձեռնութեամբ,
Հայաստանում անցկացուող «Ռուսական խօսքի օրերի» շրջանակներում
Երեւանում է գտնւում «Լիտերատուրնայա գազետա» թերթի խմբագիր Եուրի
Պոլյակովը եւ խմբագրութեան մի շարք այլ աշխատակիցներ:
Սեպտեմբերի 11-ին Հայաստանի ժուռնալիստների միութեան
նախագահ Աստղիկ Գեւորգեանի հրաւէրով ռուսական այդ հանրաճանաչ ու
պատմական աւանդոյթներ ունեցող թերթի պատասխանատուն հանդիպեց
հայկական ԶԼՄ-ների ներկայացուցիչների հետ: Եուրի Պոլյակովի
խօսքերով, արուեստի ու գրականութեան իսկական երկրպագուները
Ռուսաստանում արդէն գտել են իրենց հանդիսատեսին ու ընթերցողին:
«Դանդաղօրէն կոմերցիոն միջոցառումներն սկսում են զիջել իրենց
դիրքերը` կորցնելով հանդիսատես: Իսկ իսկական արուեստի երկրպագուները
կրկին վերագտել են իրենց մշակոյթային օջախները»,- նշեց Եուրի
Պոլյակովը:
«Լիտերատուրնայա գազետա» թերթի տպաքանակը վերջին 7 տարուայ
ընթացքում 23 հազարից հասել է 100 հազարի, ընդ որում, թերթի 6
հազար օրինակը տպագրվում է Ֆրանկֆուրտում եւ տարածւում եւրոպական
հատուածի ռուսալեզու ընթերցողի շրջանում: Բացի այդ, աւելի փոքր
տպաքանակով տպագրվում է նաեւ Վլադիվոստոկում:
Եուրի Պոլյակովը նշեց, որ արդէն վերականգնվել են խորհրդային
տարիների թերթի մի շարք աւանդոյթներ, այդ թւում ազգային
գրականութեանը յատկացուած էջերը: «Ես կարծում եմ, որ այդ տարիներին
եղել են այնպիսի գրողներ, օրինակ` Հրանտ Մաթեւոսեանը, Սիլվա
Կապուտիկեանը, Չինգիզ Այթմատովը եւ այլք, որոնք հիմնարար
ազդեցութիւն են ունեցել այդ շջանի գրականութեան համար: Եվ
չպրոպագանդել նրանց այսօր սխալ է»,- նշեց թերթի խմբագիրը:
Նոյն օրը, Հայստանի գրողների միութիւնում բացուեց
«Լիտերատուրնայա գազետա» թերթի հայաստանեան թղթակցական կէտը:
Նշենք, որը «Լիտերատուրնայա գազետա» թերթը հիմնադրուել է 1830
թուականին մեծ պոետի` Ա.Ս.Պուշկինի կողմից: Յետագայում` 1929
թուականին, թերթը վերականգնեց ռուս մէկ այլ անուանի գրող` Մաքսիմ
Գորկին: