ՀԱՅԱՍՏԱՆՈՒՄ ԱՅՍ ՏԱՐԻ ԿՀԻՄՆԱՆՈՐՈԳՎԵՆ 125 ԿՄ ԸՆԴՀԱՆՈՒՐ
ԵՐԿԱՐՈՒԹՅԱՄԲ ՃԱՆԱՊԱՐՀԱՀԱՏՈՒԱԾՆԵՐ
01-08-2008 16:08:00 | Հայաստան | Տնտեսութիւն
ԵՐԵՎԱՆ, 1 ՕԳՈՍՏՈՍԻ, ՆՈՅԵԱՆ ՏԱՊԱՆ: Հանրապետութեան ընդհանուր
օգտագործման պետական նշանակութեան աւտոճանապարհային ցանցը կազմում
է 7704,3 կմ, այդ թւում 1686 կմ-ը միջպետական նշանակութեան, 4056,3
կմ-ը` հանրապետական, 1962 կմ-ը` տեղական: Ինչպէս պաշտօնավարման
հարիւր օրուայ նուիրուած օգոստոսի 1-ին ասուլիսում նշեց ՀՀ տրանսպորտի
եւ կապի նախարար Գուրգէն Սարգսեանը, այս տարի նախարարութեան կողմից
իրականացyող տարբեր ծրագրերով նախատեսւում է հիմնանորոգել 125 կմ
ընդհանուր երկարությամբ ճանապարհահատուածներ, այդ թւում` 12,7կմ-ը`
միջպետական, 43 կմ-ը` հանրապետական, իսկ 69,3 կմ-ը` տեղական
նշանակութեան: Ընդ որում, այս տարուայ առաջին կիսամեակում արդէն
շահագործման են յանձնուել 31,2 կմ ընդհանուր երկարությամբ
ճանապարհահատուածներ, որից 5,2 կմ-ը` միջպետական, 26 կմ-ը` տեղական
նշանակութեան:
Գ.Սարգսեանը տեղեկացրեց, որ ներկայումս նախարարութեան կողմից
իրականացւում է ավտոճանպարհների հիմնանորոգմանն ուղղուած երեք
ծրագիր. պետբիւջէի ֆինանսավորմամբ պետական նշանակութեան
աւտոճանապարհների հիմնանորոգման ծրագիրը, «Հազարամյակի մարտահրաւեր
հիմնադրամ-Հայաստան» ծրագրի «Գիւղական ճանապարհների վերականգնում»
ենթածրագիրը եւ Ասիական զարգացման բանկի կողմից ֆինանսաւորւող
«Գիւղական ճանապարհահատուածի» ծրագիրը:
Նախարարի խօսքերով, այս տարի ՀՀ պետբիւջէի միջոցներով
կիրականացուեն ընդհանուր առմամբ 11333,75 մլն դրամի հիմնանորոգման
աշխատանքներ: Նշենք, որ այդ գումարը կուղղուի 246 կմ
ճանապարհահատվածների հիմնանորոգմանը եւ 24 կմ արգելափակոցների
տեղադրմանը: Ընդ որում, այս տարի կհիմնանորոգվեն 100 կմ
ճանապարհահատուածներ եւ կտեղադրուեն արգելափակոցները, իսկ մնացած 146
կմ ճանապարհահատուածները շահագործման կյանձնուեն 2009 թ.-ին:
«Հազարամյակի մարտահրավերներ» ծրագրով (սկսուել է 2007թ.-ին եւ
նախատեսւում է աւարտել 2011 թ.-ին), որի ընդհանուր արժէքը կազմում
է շուրջ 67 մլն ԱՄՆ դոլար, նախատեսւում է հիմնանորոգել 300 կմ
ճանապարհահատուածներ: Այս տարի շահագործման կյանձնուի 25 կմ-ը եւ
կսկսուեն մնացած 275 կմ-ի հիմնանորոգման աշխատանքները, որոնք
նախատեսւում է աւարտել 2010թ.-ին:
Ասիական զարգացման բանկի ծրագրով, որի ընդհանուր գումարը
կազմում է շուրջ 41,9 մլն ԱՄՆ դոլար, նախատեսւում է հիմնանորոգել
շուրջ 227 կմ ընդհանուր երկարությամբ ճանապարհահատուածներ: Այս տարի
կսկսուեն 109 կմ-ի հիմնանորոգման աշխատանքները, որոնք կաւարտուեն
2009թ.-ին: Իսկ մնացած 118 կմ-ի հիմնանորոգումը կսկսուի 2009թ.-ին
եւ կաւարտուի 2010թ.-ին: