ՄԷԿ ՏԱՐՈՒՄ ԱՄՆ ԴՈԼԱՐԻ ՆԿԱՏՄԱՄԲ ՀԱՅԿԱԿԱՆ ԴՐԱՄԻ ՀԱՇՈՒԱՐԿԱՅԻՆ
ՓՈԽԱՐԺԵՔԸ 10,6%-ՈՎ ՆՈՒԱԶԵԼ Է
31-07-2008 20:56:00 | Հայաստան | Տնտեսութիւն
ԵՐԵՎԱՆ, 31 ՅՈՒԼԻՍԻ, ՆՈՅԵԱՆ ՏԱՊԱՆ: 2008թ.-ի յուլիսին
2007թ.-ի դեկտեմբերի համեմատ Հայաստանում սպառողական գների 4,5%
հավելաճն ուղեկցուել է ԱՄՆ դոլարի նկատմամբ հայկական դրամի
հաշուարկային փոխարժէքի 0,5% նուազումով: Նախորդ տարուայ նոյն
ժամանակահատուածում եւս արձանագրուել է նմանատիպ միտում. սպառողական
գների 0,6% հավելաճին զուգընթաց հանրապետութիւնում գրանցուել է
հայկական դրամի հաշուարկային փոխարժէքի 7,2% նուազում:
ՀՀ Ազգային վիճակակագրական ծառայութեան տուեալներով, 2008թ.-ի
յուլիսին յունիսի համեմատ հանրապետութեան սպառողական եւ արժոյթային
շուկաներում արձանագրուել է գների եւ ԱՄՆ դոլարի նկատմամբ հայկական
դրամի հաշուարկային փոխարժէքի, համապատասխանաբար, 2,2% եւ 0,9%
նուազում:
2008թ.-ի յուլիսին ԱՄՆ դոլարի նկատմամբ հայկական դրամի միջին
հաշուարկային փոխարժեքը կազմել է 302,47 դրամ, ինչը 10,6%-ով ցածր է
նախորդ տարուայ յուլիսի համապատասխան ցուցանիշից (338,38 դրամ):