ՏԻԳՐԱՆ ՍԱՐԳՍԵԱՆ. ԹԻՒ ՄԷԿ ԽՆԴԻՐԸ ԲԱՆՈՒՈՐԱԿԱՆ ՈՒԺԻ ՊԱԿԱՍՆ Է
02-07-2008 20:20:00 | Հայաստան | Տնտեսութիւն
ԵՐԵՎԱՆ, 2 ՅՈՒԼԻՍԻ, ՆՈՅԵԱՆ ՏԱՊԱՆ: Հայաստանի տնտեսական աճը
բերում է նրան, որ երկրում աշխատավարձերի մակարդակը փուլ առ փուլ
բարձարանում է, եւ իրական եկամուտները աճում են 20%-ով,-
լրագրողների հետ զրոյցում յայտնեց ՀՀ վարչապետ Տիգրան Սարգսեանը:
Շինարարութեան ոլորտում Հայաստանն ունի աշխատուժի լուրջ կարիք,
քանի որ 2009-11թթ. մեծածաւալ շինարակական աշխատանքներ պէտք է
կատարուեն աղէտի գօտում: Վարչապետի խօսքերով, թիւ մէկ խնդիրն այսօր
կայանում է նրանում, որ երկրում չկայ անհրաժեշտ բանուորական ուժ:
Ըստ նրա, եթէ «ապահովենք այդ աշխատատեղերը եւ աշխատավարձերն
էլ բարձրացնենք, հայ երիտասարդությունը այլեւս չի մեկնի արտագնայ
աշխատանքի: Նրանք աշխատելու համար կտեղաշարժվեն հենց երկրի ներսում:
Իսկ մենք, աշխատավարձի մակարդակը բարձրացնելով, գրաւիչ կդարձնենք
այդ աշխատանքը»: Վարչապետ Սարգսեանը համոզուած է, որ ծաւալուող
շինարարութիւնը կխթանի զբաղվածությունն այլ ոլորտներում, եւ եթէ
Մեղրաձորում էլ, օրինակ, շահագործուի ոսկու հանքը, հայրենիք
կվերադռնան նաեւ այս գիւղի երիտասրդները: