ԵՐԵՎԱՆ, 2 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 1-ին Շվեյցարիայի
Նիոն քաղաքում ՈՒԵՖԱ-ի կենտրոնակայանում կայացան 2008-2009թթ.-ի
չեմպիոնների լիգայի եւ ՈՒԵՖԱ-ի գաւաթների խաղարկութիւնների
որակաւորման փուլերի վիճակահանությունները:
Չեմպիոնների լիգայի պայքարի մեկնարկում Հայաստանի «Փիւնիկը»
Լառնակայում յուլիսի 15-ին կամ 16-ին կմրցի Կիպրոսի «Անորտոսիսի»
հետ: Պատասխան խաղը Երեւանում կանցկացուի յուլիսի 22-ին կամ 23-ին:
ՈՒԵՖԱ-ի գաւաթի խաղարկութեան մեկնարկում յուլիսի 17-ին
Հայաստանի «Բանանցը» Զալցբուրգում կխաղայ Աուստրիայի «Ռեդ բուլի»
հետ: Նոյն օրը «Արարատը» Շվեյցարիայի Բենլինզոնա քաղաքի համանուն
թիմին կընդունի Երեւանում: Պատասխան հանդիպումները նշանակուած են
յուլիսի 31-ին: