ԵՐԵՒԱՆԻ ԿԵՆՏՐՈՆՈՒՄ ՅՈՒՆԻՍԻ 21-ԻՆ ԿԱՆՑԿԱՑՈՒԵՆ ԲԱՑՕԹԵԱՅ
ՀԱՄԵՐԳՆԵՐ` ԵՐԵԺՇՏՈՒԹՅԱՆ ՏՈՆԻ ԱՌԹԻՒ
20-06-2008 18:30:00 | Հայաստան | Մշակոյթ
ԵՐԵՎԱՆ, 20 ՅՈՒՆԻՍԻ, ՆՈՅԵԱՆ ՏԱՊԱՆ: Ֆրանսիայի մշակոյթի
նախարար Ժակ Լանգի նախաձեռնութեամբ 26 տարի առաջ յունիսի 21-ին
հիմնադրուած եւ աւանդական դարձած Երաժշտութեան տոնն արդէն երկրորդ
անգամ նշւում է նաեւ Հայաստանում: Աշխարհի 5 մայրցամաքներում` 110
երկրների 340 քաղաքներում ամէն տարի յունիսի 21-ին մեկտեղվում են
տարբեր ժանրերի եւ ուղղութիւնների պրոֆեսիոնալ եւ ոչ պրոֆեսիոնալ
երաժիշտներն ու երգիչները:
Ինչպէս յունիսի 21-ին մամլոյ ասուլիսում յայտնեց ՀՀ մշակոյթի
նախարար Յասմիկ Պողոսեանը, այդ օրը Երեւանի կենտրոնի տարբեր
հատուածներում` Հիւսիսային պողոտայում, «Մարիոթ» հիւրանոցի դիմաց,
«Շարլ Ազնաւուր» հրապարակում, Կոմիտասի արձանի մօտակայքում,
Ֆրանսիական ռեստորանում կանցկացուեն բացօթեայ անվճար ջազային,
դասական, ազգագրական, ռոք ժանրերի համերգներ: Տիկին Պողոսեանը նշեց
նաեւ, որ յաջորդ տարի հրաշալի այս տոնը կանցկացուի նաեւ Հայաստանի
մարզերում:
Հայաստանում Ֆրանսիայի արտակարգ եւ լիազօր դեսպան Սերժ
Սմեսոֆը համոզմունք յայտնեց, որ երաժշտութեան այս գեղեցիկ տոնը
Հայաստանում կդառանա աւանդական, մանաւանդ, որ այս երկրում կան
բազմաթիւ փայլուն երաժիշտներ: Դեսպան Սմեսոֆի խօսքերով, բոլոր
երաժիշտներն այդ օրը հանդէս են գալիս անվճար: