ՌԴ ԴԱՇՆՈՒԹԵԱՆ ԽՈՐՀՐԴԻ ԽՕՍՆԱԿԸ ԱՌԱՋԱՐԿՈՒՄ Է ԿՈՌՈՒՊՑԻԱՆ
ՀԱՒԱՍԱՐԵՑՆԵԼ ՊԵՏԱԿԱՆ ԴԱՎԱՃԱՆՈՒԹՅԱՆԸ
27-05-2008 16:25:00 | Ռուսաստան | Միջազգային
ՄՈՍԿՈՒԱ, 27 ՄԱՅԻՍԻ, ՆՈՅԵԱՆ ՏԱՊԱՆ: ՌԴ Դաշնութեան խորհրդի
խօսնակ Սերգեյ Միրոնովը կարծում է, որ «քրէական պատժաժամկէտի
առումով հարկաւոր է կոռուպցիոներներին հաւասարեցնել պետական
դավաճանների հետ», ինչպէս նաեւ սահմանել կոռուպցիոների գոյքի
պարտադիր բռնագրաւում: Այս մասին հաղորդում են ռուսական ԶԼՄ-ները:
«Փաստորեն խօսքը, ըստ իս, վերաբերում է պետական
դավաճանությանը, քանի որ կոռուպցիոները այն հանցագործն է, որը
խարխլում է պետական անվտանգութեան բուն հիմքերը»,- ասել է
Միրոնովը:
Դաշնութեան խորհրդի խօսնակը նշել է, որ միաժամանակ հարկ է
սահմանել «կոռուպցիոների եւ իր ընտանիքի անդամների գոյքի պարտադիր
բռնագրաւում»: «Ահա դա կլինի ճիշտ եւ արդարացի: Յուսով եմ, որ այդ
նորմերը մենք կտեսնենք կոռուպցիայի դէմ պայքարի մասին օրէնքի
վերջնական խմբագրութեան մէջ»,- ընդգծել է Միրոնովը: