ԵԹՈՎՊԻԱՅԻ ՆԱԽԿԻՆ ՆԱԽԱԳԱՀԸ ԴԱՏԱՊԱՐՏՈՒԵԼ Է ՄԱՀԱՊԱՏԺԻ
26-05-2008 19:30:00 | | Միջազգային
ԱԴԴԻՍ-ԱԲԵԲԱ, 26 ՄԱՅԻՍԻ, ՆՈՅԵԱՆ ՏԱՊԱՆ: Եթովպիայի նախկին
առաջնորդ Մենգիստու Հայլե Մարիամը ցեղասպանութեան մեղադրանքով
հեռակայ կարգով դատապարտուել է մահապատժի: Նման դատավճիռ է կայացուել
նախկին վարչակարգի եւս 18 գործիչների նկատմամբ:
2007թ. Եթովպիայի նախկին առաջնորդը դատապարտուել էր ցմահ
բանտարկութեան, սակայն այդ վճիռը բողոքարկուել էր հանրապետութեան
դատախազի կողմից, եւ այժմ գերագոյն դատարանը նոր որոշում է
կայացրել:
Մենգիստու Հայլե Մարիամը մեղաւոր է ճանաչուել ցեղասպանութեան
եւ ռազմական հանցագործությունների մէջ: Դատավարութիւնը տեղի էր
ունենում հեռակայ, քանի որ 1991թ. հեղաշրջումից յետոյ Եթովպիայի
նախկին առաջնորդն ապրում է Զիմբաբվեում, որի իշխանութիւնները
հրաժարվում են յանձնել նրան: