ԱՄՆ-Ի ՌԱԶՄԱՆԱՒԸ ԳՆԴԱԿՈԾԵԼ Է ԵԳԻՊՏԱՑԻ ԱՌԵՎՏՐԱԿԱՆՆԵՐԻ
ՆԱՎԱԿՆԵՐԸ
25-03-2008 15:59:00 | | Միջազգային
ԿԱՀԻՐԷ, 25 ՄԱՐՏԻ, ՆՈՅԵԱՆ ՏԱՊԱՆ: ԱՄՆ-ի ռազմանաւը Սուեզի
ջրանցքում կրակ է բացել եգիպտական նաւակների վրայ, երբ նրանք
անտեսել են չմոտենալու նախազգուշացումը: Մի եգիպտացի զոհուել է եւ
երկուսը վիրաւորուել, հաղորդում է Reuters-ը:
Երկուշաբթի երեկոյեան «Գլոբալ Փետրիոտ» նաւը, որը Պարսից ծոցի
շրջանից ճանապարհւում էր Եւրոպա, սպասում էր Սուեզի նաւահանգստից
Միջերկրական ծովի կողմը նաւարկելու թույլտվության: Այդ ժամանակ դրա
ուղղութեամբ սկսել են նավարկել եգիպտացիների ոչ մեծ նաւեր իրենց
ապրանքները վաճառելու մտադրությամբ: Արհամարհելով կանգ առնելու
նավից արուած նախազգուշացումները` նրանք շարունակել են առաջ
շարժուել: Դրանից յետոյ ամերիկացիները կրակ են բացել:
Կատարուածից անմիջապէս յետոյ Սուեզի նաւահանգստում բորբօքուած
տեղացիների բազմութիւն է հաւաքուել` պահանջելով պատժել
մեղաւորներին: Յայտնի է, որ ներկայումս «Գլոբալ Փետրիոտը» արդէն
լքել է Կարմիր ծովը եւ Սուեզի ջրանցքով անցել Միջերկրական: