ԲԱՐԱԿ ՕԲԱՄԱ. ԱՐՏԱՔԻՆ ՔԱՂԱՔԱԿԱՆՈՒԹԵԱՆ ՄԷՋ ՎԱՇԻՆԳՏՈՆԸ ՊԷՏՔ Է
ՀԱՄԱԳՈՐԾԱԿՑԻ ՌՈՒՍԱՍՏԱՆԻ ԵՎ ՉԻՆԱՍՏԱՆԻ ՀԵՏ
20-03-2008 18:15:00 | ԱՄՆ | Միջազգային
ՎԱՇԻՆԳՏՈՆ, 20 ՄԱՐՏԻ, ՆՈՅԵԱՆ ՏԱՊԱՆ: Արտաքին քաղաքականութեան
մէջ ԱՄՆ-ը պէտք է գործընկերական յարաբերութիւններ զարգացնի
Ռուսաստանի եւ Չինաստանի հետ: Այս մասին յայտարարել է ԱՄՆ-ի
նախագահի պաշտօնի հաւակնորդ դեմոկրատ-սենատոր Բարակ Օբաման:
«Մենք պէտք է աշխատենք այնպիսի տերությունների հետ, ինչպիսին
են Ռուսաստանը եւ Չինաստանը»,- ասել է նա Հիւսիսային Կարոլինայի
նահանգում ընտրողների հետ հանդիպման ժամանակ:
Վաշինգտոնի համար առանցքաիյն ուղղութիւնների թւում սենատորը,
մասնաւորապէս, առանձնացրել է «ահաբեկչութեան դէմ պայքարի,
անվտանգութեան բնագաւառում համագործակցութեան զարգացման համապարփակ
ռազմավարութեան» մշակումը, ինչպէս նաեւ միջուկային զէնքի չտարածման
հարցերի լուծումը, փախստականների եւ աղքատութեան դէմ պայքարի
խնդիրները, կլիմայական փոփոխութիւնները: Նա այդ խնդիրների
լուծումը շաղկապել է Իրաքից ամերիկեան զօրքերի դուրս գալու հետ: