ԲԵԼԳՐԱԴ, 7 ՄԱՐՏԻ, ՆՈՅԵԱՆ ՏԱՊԱՆ: Սերբիայի կառավարութիւնը որոշել է չեղեալ անել մուտքի վիզաները ռուսաստանցիների համար: Սերբիայի նախարարների կաբինետի հաղորդման մէջ տեղեկացվում է, որ Ռուսաստանի հետ վիզային ռեժիմի վերացման մասին որոշումը Սերբիայի կառավարութիւնն ընդունել է մարտի 6-ին: Առայժմ չի հաղորդւում Սերբիա մուտք գործելու նոր կանոնների ուժի մէջ մտնելու ժամկէտների մասին: Ռուսաստանի քաղաքացիների համար վիզաների վերացման մասին որոշումը Բելգրադն ընդունել է միակողմանի կարգով, հաղորդում է «Կոմերսանտ» թերթը: Փետրուարի 25-ին Սերբիայի վարչապետ Վոիսլավ Կոշտունիցան, որին Ռուսաստանը սատարել էր Կոսովոյի հարցում, ռուսական ղեկավարութեանը առաջարկել էր քննարկել վիզաները չեղեալ յայտարարելու հարցը:

---