FREEDOM HOUSE. ՌՈՒՍԱՍՏԱՆԸ ԵՎ ԻՐԱՆԸ ՎՏԱՆԳԱՒՈՐ ԵՆ ԱՇԽԱՐՀԻ
ԱԶԱՏՈՒԹԵԱՆ ՀԱՄԱՐ
16-01-2008 20:05:00 | ԱՄՆ | Միջազգային
ՆՅՈՒ ԵՈՐՔ, 16 ՅՈՒՆՎԱՐԻ, ՆՈՅԵԱՆ ՏԱՊԱՆ: Վլադիմիր Պուտինի
Ռուսաստանը, որ ինքը անազատ է, օգնում եւ համակրում է էլ աւելի
պակաս ազատ բելոռուսական վարչակարգին: Ինչպէս գրում է «Ուոլլ սթրիթ
ջոռնալ» թերթը, այս տվյալներն է պարունակում Freedom House
կազմակերպութեան «Ազատութիւնն աշխարհում» կոչւող 2008 թուականի
զեկոյցը:
Այսպէս կոչուած ազատ երկրների թիւը անցած տարուայ համեմատութեամբ
չի փոխվել: Սակայն այդ ազատութեան մակարդակը, կազմակերպութեան
գնահատմամբ, նուազում է: Այսպէս, մասնակիօրէն ազատ Ղրղզստանում
կայացել են կասկածելի ընտրութիւններ: Անազատ Բիրմայում բռնութեամբ
ճնշուել են բողոքի ցույցերը: Անազատ Ուզբեկստանում նախագահ Իսլամ
Քարիմովը կրկին դարձել է պետութեան ղեկավար:
Դրանից բացի, ինչպէս ասւում է հաշուետւութեան մէջ, վերջին
տարիներին երեւան են գալիս տարածաշրջանային «երկաթէ ձեռքեր», որոնք
տարածում եւ խրախուսում են բռնի մեթոդները հարեւանների մօտ:
Այդպիսի «ձեռքերին» են դասւում Ռուսաստանը, Չինաստանը,
Վենեսուելան, Իրանը, Լիբանանը եւ Սիրիան: Այս երկրները վտանգաւոր
են ազատութեան համար աշխարհում: