2006 Թ.-Ի ՅՈՒԼԻՍ-ՍԵՊՏԵՄԲԵՐԻՆ ՀԱՅԱՍՏԱՆԻ ՎԱՐԿԱՅԻՆ
ԿԱԶՄԱԿԵՐՊՈՒԹԻՒՆՆԵՐԻ ՀԱՇՈՒԵԿՇՌԱՅԻՆ ԸՆԴՀԱՆՈՒՐ ԿԱՊԻՏԱԼԸ 15,4%-ՈՎ
ԱՃԵԼ Է
25-10-2007 20:00:00 | Հայաստան | Տնտեսութիւն
ԵՐԵՎԱՆ, 25 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: 2007թ.-ի սեպտեմբերի
31-ի դրութեամբ Հայաստանում գործել են 20 վարկային
կազմակերպութիւններ` 35 մասնաճիւղերով: ՀՀ Կենտրոնական բանկի
տուեալներով, վարկային կազմակերպութիւնների փաստացի լրացուած
կանոնադրական հիմնադրամը նշուած ժամկէտին կազմել է 9 մլրդ 874 մլն
952 հազար դրամ (շուրջ 29 մլն 924 հազար ԱՄՆ դոլար) եւ
յուլիս-սեպտեմբերին աճել 10,3%-ով: Վարկային կազմակերպութիւնների
հաշուեկշռային ընդհանուր կապիտալը 2007թ.-ի սեպտեմբերի 30-ի
դրութեամբ կազմել է 10 մլրդ 974 մլն 438 հազար դրամ` երրորդ
եռամսյակում աճելով 15,4%-ով:
Հայաստանի վարկային կազմակերպութիւնների ընդհանուր
պարտաւորութիւնների ծաւալը 2007թ.-ի սեպտեմբերի 30-ի դրութեամբ
կազմել է 27 մլրդ 668 մլն 20 հազար դրամ` երրորդ եռամսյակում
աճելով 21,5%-ով. ընդհանուր ակտիւների ցուցանիշները կազմել են,
համապատասխանաբար, 38 մլրդ 642 մլն 548 հազար դրամ եւ 19,7%:
2007թ.-ի սեպտեմբերի 30-ի դրութեամբ, վարկային
կազմակերպութիւնների 37 մլրդ 835 մլն 205 հազար դրամ ընդհանուր
վարկերի եւ դեբիտորական պարտքերի պորտֆելի 97,4%-ը կազմել են
ստանդարտ վարկերը եւ պարտքերը:
Վարկային կազմակերպութիւնների կողմից ռեզիդենտներին տրուած
վարկերի, աւանդների, ֆակտորինգով եւ լիզինգով տրամադրուած
գումարների ընդհանուր ծաւալը 2007թ.-ի սեպտեմբերի 30-ի դրութեամբ
կազմել է 35 մլրդ 66 մլն 134 հազար դրամ (աճը` 20,1%):
Արդիւնաբերութեան ճյուղին տրամադրվել է 4 մլրդ 330 մլն 207 հազար
դրամ (աճը` 22,9%), գիւղատնտեսութեան ճյուղին` 3 մլրդ 128 մլն 463
հազար դրամ (աճը` 22%), շինարարութեան ճյուղին` 1 մլրդ 800 մլն 405
հազար դրամ (աճը` 43,8%), տրանսպորտի եւ կապի ճյուղին` 1 մլրդ 373
մլն 447 հազար դրամ (աճը` 12,6%):
Առեւտրի ճյուղին Հայաստանի վարկային կազմակերպութիւնների
կողմից տրամադրուած գումարների ծաւալը կազմել է 8 մլրդ 171 մլն 918
հազար դրամ (աճը` 14,9%), տնտեսութեան ֆինանսական հատուածին
տրամադրվել է 682 մլն 369 հազար դրամ գումար (աճը` 49,8%):
Տրամադրուած սպառողական վարկերի ծաւալը կազմել է 5 մլրդ 875 մլն 903
հազար դրամ (աճը` 15,3%), հիփոթեքային վարկաւորմանը` 4 մլրդ 18 մլն
850 հազար դրամ (աճը` 31%), այլ ճյուղերինը` 5 մլրդ 684 մլն 572
հազար դրամ (աճը` 41,9%):
2007թ.-ի սեպտեմբերի 30-ի դրութեամբ վարկային
կազմակերպութիւնների համախառն եկամուտները կազմել են 6 մլրդ 21
մլն 419 հազար դրամ, համախառն ծախսերը` 4 մլրդ 570 մլն 484 հազար
դրամ, զուտ եւ չբաշխված շահոյթների ծաւալը` 1 մլրդ 346 մլն 602
հազար դրամ: