ԱՄՆ-Ի ՍԵՆԱՏԸ ԱՄԵՐԻԿԱՑԻ ՊԵՏՊԱՇՏՈՆՅԱՆԵՐԻՆ ԱՐԳԵԼԵԼ Է ԹՌՉԵԼ
ԱՌԱՋԻՆ ԿԱՐԳՈՎ
17-10-2007 15:40:00 | ԱՄՆ | Միջազգային
ՎԱՇԻՆԳՏՈՆ, 17 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի Սենատը
հոկտեմբերի 16-ին կայացած նիստում միաձայն քուէարկել է առաջին
կարգով ամերիկացի պետպաշտօնեաների թռիչքները առանց դրա համար
յատուկ պատճառների արգելելու օգտին:
«Երբ դաշնապետական աշխատողները թռչում են առաջին կարգով,
նրանք հարկատուներին վերաբերւում են որպէս երկրորդ սորտի
քաղաքացիների»,- ասւում է հանրապետական սենատոր Ջեյմս Դեմինթի
Վաշինգտոնում տարածած յայտարարութեյան մէջ:
Ուղղումը ԱՄՆ-ի պետծառայողներին արգելում է գնել առաջին կամ
բարձր կարգի աւիատոմսեր ի խախտումն գոյութիւն ունեցող կանոնների,
համաձայն որոնց պաշտօնեաների համար այդպիսի տոմսեր կարող են ձեռք
բերուել միայն եթէ դա անհրաժեշտ է անվտանգութեան նկատառումներով,
գործուղման յատուկ առաջադրանքի, աշխատակցի առողջութեան կամ այն
դէպքում, եթէ մօտակայ 24 ժամուայ ընթացքում նախատեսուած չուերթի
սովորական կարգի տոմսեր չկան: