ԱԼԲԱՆԱԿԱՆ ԲԱՆԱԿԸ ՍՊԱՌՆՈՒՄ Է ՎԵՐԱՀՍԿՈՂՈՒԹԻՒՆ ՀԱՍՏԱՏԵԼ
ԿՈՍՈՎՈՅԻ ՍԵՐԲԱԲՆԱԿ ՇՐՋԱՆՆԵՐՈՒՄ
16-10-2007 18:26:00 | | Միջազգային
ԲԵԼԳՐԱԴ, 16 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Այսպէս կոչուած
«Ալբանական ազգային բանակը» (ԱԱԲ) սպառնում է վերահսկողութիւն
հաստատել Կոսովոյի սերբաբնակ հիւսիսային շրջաններում:
Ինչպէս պրիշտինյան «Էպոկա է ռե» թերթին տուած հարցազրոյցում
յայտարարել է այդ ահաբեկչական կազմակերպութեան պաշտօնական
ներկայացուցիչ Գաֆուր Ադիլյին, ԱԱԲ-ն ինքը վերահսկողութիւն
կհաստատի հիւսիսային Կոսովոյում, եթէ մինչեւ նոյեմբերի 1-ը դա
չանեն խաղաղապահ ուժերը, ՄԱԿ-ի առաքելութիւնը եւ Կոսովոյի
պաշտպանութեան կորպուսը:
Իրականում ՄԱԿ-ի վարչակազմը եւ խաղաղապահ ուժերը դեռ 1999
թուականից լրիւ վերահսկում են Կոսովոն, այդ թւում ինքնավարութեան
հիւսիսային մասը: Սակայն Իբար գետով անջատուած երկրամասի հիւսիսի
սերբական բնակչութիւնը մասնակի ինքնակառավարում է մտցրել եւ
գործնականում չի մասնակցում այդ թւում ընտրութեան հիման վրայ
ձեւաւորւող ալբանական իշխանական կառոյցների աշխատանքին: