ԵՐԵՎԱՆ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՖՖ-ի նախագահ Ռուբէն Հայրապետեանի հրաւէրով հոկտեմբերի 15-16-ին այցով Երեւանում կգտնուեն ՖԻՖԱ-ի նախագահ Զեպ Բլատերը եւ ՈՒԵՖԱ-ի նախագահ Միշել Պլատինին: Նրանք կմասնակցեն Երեւանի Աճառեան փողոցին հարող տարածքում «Մանկապատանեկան ինտերնատ մարզադպրոց. ազգային հաւաքականների տեխնիկական կենտրոն»-ի հիմնարկեքին, կայցելեն «Բանանց» ֆուտբոլի ակումբ: Նախատեսուած է նաեւ, որ ՖԻՖԱ-ի եւ ՈՒԵՖԱ-ի ղեկավարները հանդիպումներ կունենան ՀՀ նախագահի եւ վարչապետի հետ: Այցի աւարտին Երեւանի Արմէնիա-Մարիոտ հիւրանոցում կանցկացուի ՖԻՖԱ-ի, ՈՒԵՖԱ-ի եւ ՀՖՖ-ի նախագահների համատեղ ասուլիսը:

---