ՋՈՐՋ ԲՈՒՇԸ ԼԻԱԶՕՐՈՒԹԻՒՆՆԵՐ ՉՈՒՆԻ ՀԱՐՈՒԱԾԵԼՈՒ ԻՐԱՆԻՆ,-
ՅԱՅՏԱՐԱՐՈՒՄ Է ՆԵՆՍԻ ՓԵԼՈՍԻՆ
15-10-2007 16:02:00 | ԱՄՆ | Միջազգային
ՎԱՇԻՆԳՏՈՆ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի նախագահ Ջորջ
Բուշը սահմանադրական լիազօրութիւններ չունի առանց Կոնգրեսի
համաձայնութեան հարուած հասցնելու Իրանին: Այս մասին յայտարարել է
ԱՄՆ Ներկայացուցիչների պալատի դեմոկրատ խօսնակ Նենսի Փելոսին:
«Ես չեմ կարծում, որ նախագահի ունեցած որեւէ լիազօրութիւն
թոյլ է տալիս նրան Իրան մտնել առանց Կոնգրեսի կողմից ակտի»,-
հոկտեմբերի 14-ին Էյ Բի Սի հեռուստաընկերութեան եթերում յայտարարել
է Փելոսին:
Հաստատելով, որ տուեալ պահին Բուշը այդպիսի խնդրանքով Կոնգրես
«չի դիմել», Ներկայացուցիչների պալատի խօսնակը յիշեցրել է, որ
«ԱՄՆ-ի ցանկացած նախագահ, եթէ մեր երկիրը ենթարկուել է
յարձակման..., շատ լուրջ լիազօրութիւններ ունի պատասխանելու այդ
երկրին, բայց միւս բոլոր դէպքերում նա պարտաւոր է դիմել
Կոնգրեսին»:
Փելոսին դէմ է արտայայտուել նաեւ Իրանի Իսլամական
յեղափոխութեան պահապանների կորպուսը ահաբեկչական կազմակերպութիւն
յայտարարելու եւ այդ կորպուսի կառոյցների եւ զինծառայողների դէմ
պատժամիջոցներ սահմանելու մասին ԱՄՆ-ի Սենատի վերջերս ընդունած
բանաձեւին:
ԴԱՍ. ՀԱՅԵՐԵՆ 
Հայերեն
Русский
English
French