ԻՍՐԱՅԵԼԻ ՎԱՐՉԱՊԵՏ ԷՀՈՒԴ ՕԼՄԵՐՏԻ ԴԷՄ ԵՐԿՈՒ ՆՈՐ ՔՐԷԱԿԱՆ ԳՈՐԾ
Է ՅԱՐՈՒՑՈՒԵԼ
15-10-2007 15:32:00 | | Միջազգային
ԹԵԼ ԱՒԻՒ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իսրայելի վարչապետ
Էհուդ Օլմերտի դէմ յարուցուել է եւս երկու քրէական գործ
իշխանութիւնը ի չարս գործադրելու կասկածանքով: Համապատասխան
կարգադրութիւնը արել է կառավարութեան իրաւաբանական խորհրդական
(գլխաւոր դատախազ) Մենի Մազուզը:
Հետաքննութիւնն սկսուել է պետական հսկիչ Միխա Լինդենշտրաուսի
նախաձեռնութեամբ, որը ենթադրում է, որ Օլմերտը 2003-2005
թուականներին արդիւնաբերութեան, առեւտրի եւ զբաղվածության նախարար
եղած ժամանակ առաջ է մղել փաստաբանական գրասենեակի իր նախկին
գործընկեր Ուրի Մեսերի շահերը: Մասնաւորապէս, պետական հսկիչի
գերատեսչութիւնը պարզել է, որ մի շարք գործարաններ ու
արդիւնաբերական խմբեր, որոնց հետ կապուած է Մեսերը, ստացել են
«ներդրումների արտօնեալ օբյեկտների» կարգավիճակ, իբր, ոչ առանց
Օլմերտի օգնութեան: Դրանից բացի, նրան կասկածում են մի շարք այսպէս
կոչուած քաղաքական նշանակումների մէջ իրեն ենթակայ
նախարարութիւնում: