ՊԵՏԱԿԱՆ ՄԻՋՈՑՆԵՐԸ ՎԱՏՆԵԼՈՒ ՄԵՂԱԴՐԱՆՔՈՎ ՁԵՐԲԱԿԱԼՈՒԵԼ ԵՆ
ՊԻՆՈՉԵՏԻ ԱՅՐԻՆ ԵՎ ԵՐԵԽԱՆԵՐԸ
05-10-2007 14:18:00 | | Միջազգային
ՍԱՆՏԵԱԳՈ, 5 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Չիլիի նախկին բռնապետ
Աուգուստո Պինոչետի այրին` Լուսիա Իրիարտը եւ նրա հինգ երեխաները
հոկտեմբերի 4-ին ձերբակալուել են չիլիացի դատաւոր Կարլոս Սերդիի
հրահանգով: Նրանց ներկայացուել է պետական միջոցների ոչ նպատակային
օգտագործման մեղադրանք նախկին բռնապետի եւ իր ընտանիքի հարստութեան
ծագման հետաքննութեան շրջանակում:
Ինչպէս յայտնել է Չիլիի նախագահ Միշել Բաչելետը, «ոստիկանները
կատարել են դատական կարգադրութիւնը, եւ այդ մարդիկ կկանգնեն
դատարանի առջեւ»: Սերդիի կարգադրութեան համաձայն, մեղադրանքներ են
ներկայացուել 23 մարդու` նախկին բռնապետի ազգականների եւ
զինակիցների:
Չնայած նրան, որ անցած տարուայ դեկտեմբերին նախկին բռնապետի
մահուանից յետոյ նրա դէմ բազմաթիւ դատավարութիւններ դադարեցուել էին,
չիլիացի դատաւորները շարունակում էին Պինոչետի եւ իր ընտանիքի
կարողութեան ծագման հետաքննութիւնը իր հարազատների շրջանում: