ԵՈՒՐԻ ՊԱՏՐԻԿԵԵՎԸ ԸՄԲՇԱՄԱՐՏԻ ԱՇԽԱՐՀԻ ԱՌԱՋՆՈՒԹԻՒՆՈՒՄ ՆՈՒԱՃԵՑ
ԲՐՈՆԶԷ ՄԵԴԱԼ ԵՎ ՕԼԻՄՊԻԱԿԱՆ ԽԱՂԵՐԻ ՄԱՍՆԱԿՑՈՒԹԵԱՆ ՈՒՂԵԳԻՐ
19-09-2007 20:10:00 | | Սպորտ
ԲԱՔՈՒ, 19 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Բաքւում անցկացուող
հունահռոմեական ըմբշամարտի աշխարհի առաջնութիւնում սեպտեմբերի
19-ին մրցահարթակ դուրս եկան գերծանր քաշայինները: Հայաստանը
ներկայացնող Եուրի Պատրիկեեւը տոնեց չորս յաղթանակ, կրեց մէկ
պարտութիւն: Այդպիսով նա նուաճեց երրորդ տեղը` արժանանալով բրոնզէ
մեդալի եւ օլիմպիական ուղեգրի:
Սեպտեմբերի 19-ին առաջնութիւնում որոշուեցին 55 եւ 60 կգ
քաշային կարգի մրցանակակիրները: Հայաստանի հաւաքականի անդամներ
Վահան Սիմոնեանը եւ Արմէն Կարապետեանը անյաջող հանդէս եկան եւ
անմասն մնացին խաղարկուած օլիմպիական ուղեգրերից եւ մեդալներից: