ՓԱՐԻԶԸ ԻՐԱՆԻ ԴԷՄ ՌԱԶՄԱԿԱՆ ԾՐԱԳԻՐ ՉԻ ՊԱՏՐԱՍՏՈՒՄ,-
ՅԱՅՏԱՐԱՐՈՒՄ Է ՖՐԱՆՍԻԱՅԻ ՊԱՇՏՊԱՆՈՒԹԵԱՆ ՆԱԽԱՐԱՐԸ
19-09-2007 15:35:00 | | Միջազգային
ՓԱՐԻԶ, 19 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Փարիզը իրանական
միջուկային ծրագրի հետ կապուած ռազմական որեւէ ծրագիր չի
պատրաստում: Այս մասին յայտարարել է Ֆրանսիայի պաշտպանութեան
նախարար Էրվե Մորենը:
«Ոչ ոք վայրկեան անգամ չի կարող մտածել, որ մենք ռազմական
ծրագրեր ենք մտմտում Իրանի առնչութեամբ»,- նշել է Մորենը: Նրա
կարծիքով, այդ թեմայով շահարկելը «նշանակում է տրուել
ֆանտազիաների»:
Յիշեցնենք, որ սեպտեմբերի 16-ին Ֆրանսիայի ԱԳՆ ղեկավար Բեռնար
Կուշները յայտարարել էր, որ աշխարհը պէտք է «պատրաստուի վատթարին,
իսկ վատթարը պատերազմն է Իրանի հետ»: