ԻՍՐԱՅԵԼԻ ՕԴՈՒԺԸ ՌՄԲԱԿՈԾԵԼ Է ՍԻՐԻԱՅԻ ՏԱՐԱԾՔԸ, ԻՍԿ ՎԵՐՋԻՆՍ
ԲԱՑԵԼ Է ՊԱՏԱՍԽԱՆ ԿՐԱԿ
06-09-2007 19:55:00 | | Միջազգային
ԴԱՄԱՍԿՈՍ, 6 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Իսրայելի ռազմաօդային
ուժերը ռմբակոծել են Սիրիայի տարածքը, իսկ վերջինս բացել է
պատասխան կրակ: Այս մասին հաղորդում է սիրիական «SANA»
գործակալութիւնը:
Ըստ տեղեկութիւնների, միջադէպը տեղի է ունեցել սեպտեմբերի
5-ի գիշերը: Սիրայի հակաօդային պաշտպանութեան ուժերը կրակ են բացել
իսրայելական ռազմական ինքնաթիռների ուղղութեամբ, երբ վերջիններս
խախտել են Սիրիայի օդային տարածքը:
«Մենք զգուշացնում ենք թշնամի Իսրայելի կառավարութեանը նման
բացայայտ ագրեսիայի համար»,- յայտարարել է Սիրիայի բանակի մամլոյ
խօսնակը:
Նշւում է նաեւ, որ ռմբակոծութիւնների հետեւանքով զոհեր կամ
վիրաւորներ չեն գրանցուել:
Ըստ տեղեկութիւնների, Իսրայելի պաշտպանութեան բանակի մամլոյ
ծառայութիւնից յայտարարել են, որ Իսրայելը պաշտօնապէս չի
մեկնաբանի սիրիական լրատվամիջոցների` իսրայելական ռազմաօդային
ուժերի կողմից Սիրիայի օդային սահմանը խախտելու մասին լուրերը.
«Մեր ռեակցիան հետեւեալն է` մենք չենք մեկնաբանում նման
յայտարարութիւնները»,- նշել է բանակի մամլոյ ծառայութեան
ներկայացուցիչը: