ԼՈՆԴՈՆ, 31 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 31-ի լոյս օգոստոսի 1-ի գիշերը պաշտօնապէս աւարտւում է բրիտանական բանակի գործողութիւնը Հիւսիսային Իռլանդիայում, որ շարունակւում է 38 տարի, հաղորդւում է BBC News կայքում: Այդ ամբողջ ժամանակ զորակազմը օգնում էր տեղի ոստիկանութեանը կարգուկանոն պահպանելու տարածաշրջանում: Դրան մասնակցել են ընդհանուր առմամբ 300 հազարից աւելի զինվորականներ: Բրիտանական զորքերը Հիւսիսային Իռլանդիա մտցվեցին 1969 թուականին կաթոլիկների եւ բողոքականների միջեւ կատաղի բախումներից յետոյ: Այն ժամանակ հրամանատարութեան ներկայացուցիչները վստահ էին, որ գործողութիւնը կտեւի մի քանի շաբաթ: Հիւսիսային Իռլանդիայում գտնուելու ամբողջ ժամանակամիջոցում բրիտանական բանակը կորցրել է 763 մարդ սպանուած: Յիշեցնենք, որ 2007 թուականի մայիսին Հիւսիսային Իռլանդիայում աւարտուեց Մեծ Բրիտանիայի կառավարութեան ուղիղ կառավարումը:

---