ՀԱՅԱՍՏԱՆԻ ՆԵՏԱՁԻԳՆԵՐԸ ԱՆՄԱՍՆ ՄՆԱՑԻՆ ԱՇԽԱՐՀԻ ԱՌԱՋՆՈՒԹԻՒՆՈՒՄ
ԽԱՂԱՐԿՈՒԱԾ ՊԵԿԻՆԻ ՕԼԻՄՊԻԱԿԱՆ ՈՒՂԵԳՐԵՐԻՑ
23-07-2007 17:35:00 | | Սպորտ
ԼԵՅՊՑԻԳ, 23 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 21-ին Գերմանիայի
Լեյպցիգ քաղաքում աւարտուեց նետաձգութեան աշխարհի առաջնութիւնը:
1-30-րդ տեղ գրավածներին շնորհուեց «Պեկին-2008»-ի մասնակցութեան
ուղեգիր: 78 երկրի 173 մարզիկների պայքարում (Մ-1 վարժութիւն)
Հայաստանի ներկայացուցիչներ Յովհաննէս Պետրոսեանը եւ Անդրանիկ
Շահնազարեանը յաղթահարեցին նախնական փուլը եւ մտան 1-ին եզրափակիչ
(128 մասնակիցների հետ): Յովհաննէս Պետրոսեանը աշխարհի ռեկորդակիր
Ռահիվ Վաներջեյի (Հնդկաստան) հետ պայքարում վաստակեց 1254 միաւոր
եւ գրաւեց 102-րդ տեղը: Նրա մրցակիցը 1330 միաւորով 14-րդն էր:
Անդրանիկ Շահնազարեանի մրցակիցն էր Դավիթ Բարնեսը (Աուստրալիա), որը
1317 միաւորով գրաւեց 27-րդ տեղը: Ա.Շահնազարեանը վաստակեց 1243
միաւոր եւ գրաւեց 115-րդ տեղը: Հայաստանի նետաձիգների Պեկին
մեկնելու ուղեգրգր նուաճելու վերջին յոյսը մնում է 2008թ.-ի
յունիսին կայանալիք Եւրոպայի առաջնութիւնը: