ՊԱՅԹԻՒՆ ԱԼԺԻՐՈՒՄ` 9-ՐԴ ՀԱՄԱԱՖՐԻԿՅԱՆ ԽԱՂԵՐԻ ԲԱՑՄԱՆ ՆԱԽԱՇԵՄԻՆ
11-07-2007 20:57:00 | Ալժիր | Միջազգային
ԱԼԺԻՐ, 11 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 11-ին Ալժիրում
տեղի է ունեցել ահաբեկչական գործողութիւն, ինչի հետեւանքով զոհուել
է 8 եւ վիրաւորուել 15 մարդ: Այս մասին հաղորդում է «Ալ Ջազիրա»-ն:
Տեղեկութիւնների համաձայն, պայթյունը տեղի է ունեցել
Լահդարիա քաղաքի մերձակայքում: Մահապարտ ահաբեկիչը, ականապատ
մեքենան ուղղելով դէպի բանակային զորանոցի հսկիչ անցակէտ,
պայթեցրել է այն: Ահաբեկչական գործողութիւնը տեղի է ունեցել
Համաաֆրիկյան 9-րդ խաղերի բացման նախաշեմին: Զոհերի թւում կան
զինվորներ եւ խաղաղ բնակիչներ:
Նշենք, որ Ալժիրի մայրաքաղաքը երկու շաբաթով հիւրընկալում է
Աֆրիկեան օլիմպիադան, որի հանդիսաւոր բացումը տեղի կունենայ այսօր:
Ալժիրը 1978թ. ի վեր արդէն երկրորդ անգամ է ընդունում Աֆրիկայի
մարզիկներին: