ՊԱԿԻՍՏԱՆՈՒՄ ԲԱԽՈՒՄՆԵՐ ԵՆ ՍԿՍՈՒԵԼ ԱՐՄԱՏԱԿԱՆ ՀԱՅԵԱՑՔՆԵՐԻ ՏԵՐ
ՈՒՍԱՆՈՂՆԵՐԻ ԵՎ ԻՐԱՎԱՊԱՀ ՄԱՐՄԻՆՆԵՐԻ ՄԻՋԵՒ
03-07-2007 21:15:00 | | Միջազգային
ԻՍԼԱՄԱԲԱԴ, 3 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 3-ին Պակիստանի
մայրաքաղաքում արմատական հայեացքների տեր ուսանողների եւ իրավապահ
մարմինների միջեւ տեղի ունեցած բախման հետեւանքով զոհուել է 6 մարդ:
Կան նաեւ մեծ թւով վիրաւորներ: Այս մասին հաղորդում են տեղական
լրատվամիջոցները:
Լալ Մեսջիդի (Կարմիր մզկիթ) մեդրեսէի (հոգեւոր դպրոց)
ուսանողների եւ ներքին զօրքերի ստորաբաժանման միջեւ բախումը սկսուել
է ցերեկվա աղօթքից յետոյ: Բախման պատճառների մասին առայժմ որեւէ
տեղեկություն չի հաղորդւում:
Ըստ Պակիստանի ներքին գործերի նախարարի, բախման արդիւնքում
զոհուել է մէկ եւ վիրաւորուել մի քանի զինվոր:
Կարմիր մզկիթի մոլլա Աբդուլ Քայումի խօսքերով, զոհուել է 5
ուսանող:
Բախումից անմիջապէս յետոյ Լալ Մեսջիդի ուսանողները շրջափակել
են մզկիթի տարածքը: Իրավապահ մարմինները նրանց դէմ օգտագործում են
արցունքաբեր գազ: