ՀԱՅԱՍՏԱՆԻ ԵՎ ԱԴՐԲԵՋԱՆԻ ՖՈՒՏԲՈԼԻ ԱԶԳԱՅԻՆ ՀԱՒԱՔԱԿԱՆՆԵՐԻ
ՀԱՆԴԻՊՈՒՄՆԵՐԸ ՉԵՆ ԿԱՅԱՆԱՅ
25-06-2007 18:10:00 | | Սպորտ
ՀԵՐԵՆՎԵՆ, 25 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 23-ին
հոլանդական Հերենվեն քաղաքում տեղի է ունեցել ՈՒԵՖԱ-ի գործկոմի
հերթական նիստը: Օրակարգում ընդգրկուած հարցերից մէկը «Եւրօ-2008»-ի
ծրագրով սեպտեմբերի 8-ին եւ 12-ին նշանակուած Հայաստանի եւ
Ադրբեջանի ֆուտբոլի ազգային հաւաքականների միջեւ կայանալիք
հանդիպումներին էր վերաբերում: Նիստում որոշում է ընդունուել այդ
խաղերն ընդհանրապես չանցկացնել եւ կողմերին միաւորներ չշնորհել:
ՀՖՖ-ի մամլոյ ծառայութիւնից «ՆՈՅԵԱՆ ՏԱՊԱՆ»-ի թղթակցին
յայտնեցին, որ Հայաստանի ֆուտբոլի ֆեդերացիան այդ որոշումը չի
բողոքարկելու: