ՀԱՅԱՍՏԱՆԻ ԵՎ ԱԴՐԲԵՋԱՆԻ ԱԶԳԱՅԻՆ ՀԱՒԱՔԱԿԱՆՆԵՐԻ ՀԱՆԴԻՊՄԱՆ
ՎԱՅՐԸ ԿՈՐՈՇԻ ՈՒԵՖԱ-Ի ԳՈՐԾԿՈՄԸ
22-06-2007 19:26:00 | Հայաստան | Սպորտ
ԵՐԵՎԱՆ, 22 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 22-23-ին
Հոլանդիայի Հերենվեն քաղաքում աշխատանքն է սկսել ֆուտբոլի
եւրոպական միութեան (ՈՒԵՖԱ) գործկոմի նիստը: Օրակարգում ընդգրկուած
հարցերի թւում է նաեւ Եւրոպայի ֆուտբոլի առաջնութեան որակաւորման
փուլի առաջին ենթախմբում ընդգրկուած Հայաստանի եւ Ադրբեջանի ազգային
հաւաքականների միջեւ սեպտեմբերի 8-ին եւ 18-ին նշանակուած
հանդիպումների վայրի որոշումը: Ինչպէս «ՆՈՅԵԱՆ ՏԱՊԱՆ»-թղթակցին
յայտնեցին Հայաստանի ֆուտբոլի ֆեդերացիայի մամլոյ ծառայութիւնից,
ՀՖՖ-ին գործկոմի նիստին մասնակցելու հրավէր չի ուղարկուել: