ՀԱՅԱՍՏԱՆԻ ՖՈՒՏԲՈԼԻ ԲԱՐՁՐԱԳՈՅՆ ԽՄԲԻ ԱՌԱՋՆՈՒԹԻՒՆՈՒՄ
ԱՌԱՋԱՏԱՐԻ ԻՐ ԴԻՐՔՆ ԱՄՐԱՊՆԴՈՒՄ Է ԵՐԵՒԱՆԻ «ՓԻՒՆԻԿԸ»
15-06-2007 18:16:00 | Հայաստան | Սպորտ
ԵՐԵՎԱՆ, 15 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 14-ին տեղի
ունեցան Հայաստանի ֆուտբոլի բարձրագոյն խմբի առաջնութեան 9-րդ
փուլի հանդիպումները: Գրանցուեցին հետեւեալ արդիւնքները` «Փիւնիկ»
- «Բանանց»` 5:1, «Արարատ» - «Կիլիկիա»` 4:0, «Շիրակ» - «Միկա»`
1:0, «Գանձասար» - «Ուլիս»` 0:0:
9 փուլից յետոյ մրցաշարային աղիւսակը 22 միաւորով գլխաւորում
է «Փիւնիկը», 19 միաւորով 2-րդն է «Արարատը», իսկ «Բանանցը» 17
միաւորով` 3-րդը: «Միկան» ունի 16 միաւոր եւ եզրափակում է առաջին
քառեակը: Գիւմրիի «Շիրակն» ունի 11, Կապանի «Գանձասարը»` 9
միաւոր: 4-ական միաւորով աղիւսակը եզրափակում են «Կիլիկիան» եւ
«Ուլիսը»:
Յաջորդ` 10-րդ, փուլի հանդիպումները նշանակուած են յունիսի
18-ին: