ԼԻԲԱՆԱՆՈՒՄ ՍՊԱՆՈՒԵԼ ԵՆ «ԿԱՐՄԻՐ ԽԱՉ»-Ի ԵՐԿՈՒ ԱՇԽԱՏԱԿԻՑՆԵՐ
11-06-2007 22:04:00 | | Միջազգային
ԲԵՅՐՈՒԹ, 11 ՅՈՒՆԻՍԻ, ՆՈՅԵԱՆ ՏԱՊԱՆ: Լիբանանի հիւսիսային
յատուածում` պաղեստինեան փախստականների Նահր ալ Բարիդ ճամբարի
մօտակայքում յունիսի 11-ին սպանուել են «Կարմիր Խաչ»-ի երկու
աշխատակիցներ:
Ըստ տեղեկութիւնների, աշխատակիցները սպանուել են
փախստականների ճամբարից հոգեւորականների պատուիրակութիւնը դուրս
բերելու ժամանակ: Վիրաւորուել է զինադադար ձեռք բերելու նպատակով
փախստականների ճամբարում գտնուող հոգեւորականներից մէկը:
Մինչ այդ լիբնանյան բանակը ռմբակոծել էր «Ֆաթհ ալ Իսլամ»
խմբաւորման գրոհայինների դիրքերը Նահր ալ Բասրիդ ճամբարում:
Վերջին երու օրերի ընթացքում ճամբարի մօտակայքում զոհուել է 11
մարդ: Յիշեցնենք, որ Նահր ալ Բարիդում լիբանանեան բանակի եւ «Ֆաթհ
ալ Իսլամ»-ի գրոհայինների միջեւ բախումները սկսուել էին մայիսի
20-ին: Մինչ օրս պաղեստինեան փախստականների ճամբարում շարունակում
են մնալ մօտ 3000 խաղաղ բնակիչ: Իսկ մինչեւ մարտերը այնտեղ
հաշււում էր մօտ 30 հազար մարդ: