ՇՈՒՏՈՎ ՀԱՆՐՈՒԹԵԱՆԸ ԿՆԵՐԿԱՅԱՑՈՒԻ ՀԱՇՄԱՆԴԱՄՆԵՐԻ ՊԱՀԱՆՋՆԵՐԻՆ
ՅԱՐՄԱՐԵՑՈՒԱԾ «ՌԵՆՈ» ՄԱԿՆԻՇԻ ԱՒՏՈԲՈՒՍԸ
05-06-2007 17:30:00 | Հայաստան | Հասարակութիւն
ԵՐԵՎԱՆ, 5 ՅՈՒՆԻՍԻ, ՆՈՅԵԱՆ ՏԱՊԱՆ: «Մատչելիութիւնը
անկախութիւն է» ծրագիրը, որն իրականացնում է Հայաստանի
հաշմանդամների «Փիւնիկ» միութիւնը, նպատակ ունի հասնել այն
բանին, որ հաշմանդամները կարողանան անարգել օգտուել հանրային
երթեւեկության միջոցներից: Ծրագրի շրջանակում յունիսի 5-ին կայացած
քննարկման ժամանակ «Փիւնիկ» միութեան նախագահ Յակոբ Աբրահամեանը
նշեց, որ հոկտեմբերի 1-ին աւարտուող ծրագրի արդիւնքում նախատեսւում
է Հայաստանում գործարկել հաշմանդամներին յարմարեցուած տրանսպորտի
գոնէ 2 միջոց: Ըստ նրա, հաշմանդամների համար տրանսպորտային
միջոցների հարմարեցումը նախատեսուած է հաշմանդամների սոցիալական
պաշտպանութեան 2007թ.-ի տարեկան ծրագրով:
Ինչպէս նշեց ՀՀ Աշխատանքի եւ սոցիալական հարցերի
նախարարութեան Հաշմանդամների, տարեցների հիմնահարցերի վարչութեան
պետ Ջեմմա Բաղդասարեանը, այս խնդրի լուծման համար պետբիւջէից
միջոցներ չեն նախատեսուել: Ըստ նրա, նախարարութիւնը խնդրի լուծման
տարբերակներ գտնելու առումով տարբեր քննարկումներ է կազմակերպում:
Մասնաւորապէս, քննարկւում է տեղաշարժման հետ խնդիրներ ունեցող
հաշմանդամ երեխաների համար հանրապետութիւնում «սոցիալական
սերվիս-տաքսու» համակարգ ներդնելու հարցը:
Իսկ Երեւանի քաղաքապետարանի Տրանսպորտի վարչութեան աշխատակից
Արսէն Գասպարեանը նշեց, որ քաղաքապետարանի «Աւտոբուս» ՓԲԸ-ին
պատկանող «Ռենո» մակնիշի աւտոբուսներից մէկի վրայ կատարուել են
հաշմանդամների սպասարկման ապահովմանն ուղղուած կառուցուածքային
փոփոխութիւններ: Ըստ նրա, մօտ օրերս մեքենան կներկայացուի
հանրութեանը եւ կորոշուի դրա արդիւնաւէտ ու նպատակային շահագործման
եղանակը: Ա.Գասպարեանը յայտնեց նաեւ, որ այս տարուայ ընթացքում
Երեւան ներկրվելիք նոր տրոլեյբույսներից մէկը նույնպես յարմարեցուած
կլինի հաշմանդամների համար:
Խնդրի լուծման իրենց տարբերակը ներկայացրեց «Ունիսոն»
հասարական կազմակերպութեան նախագահ Արմէն Ալավերդեանը: Նա նշեց, որ
կազմակերպութեան նախաձեռնութեամբ մշակtyել եւ Ազգային Ժողով է
ներկայացուել «Հաշմանդամների եւ սակավաշարժ այլ անձանց համար
հասարակական նշանակութեան վայրերի եւ հասարակական տրանսպորտի
մատչելիության ապահովման մասին» ՀՀ օրէնքի նախագիծը: Ըստ օրինագծի,
աւտոբուսներով եւ երթուղային տաքսիներով ուղեւորների փոխադրումներ
իրականացնելու նպատակով հայտարարվող մրցութային պահանջներում պէտք
է ներառուած լինի հաշմանդամների համար իւրաքանչիւր երթուղիում
գոնէ մէկ մատչելի փոխադրամիջոցի առկայութեան ապահովման պահանջը: