ՇԱԽՄԱՏԻ ԱՇԽԱՐՀԻ ԱՌԱՋՆՈՒԹԵԱՆ ՀԱՒԱԿՆՈՐԴՆԵՐԻ ՄՐՑԱՇԱՐԻ ԱՌԱՋԻՆ
ՓՈՒԼՈՒՄ ԼԵՒՈՆ ԱՐՈՆԵԱՆԸ ՅԱՂԹԵՑ ՄԱԳՆՈՒՍ ԿԱՌԼՍԵՆԻՆ
04-06-2007 17:40:00 | Ռուսաստան | Սպորտ
ԷԼԻՍՏԱ, 4 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 3-ին Կալմիկիայի
Էլիստա քաղաքում աւարտուեց շախմատի աշխարհի առաջնութեան
հաւակնորդների մրցաշարի 1-ին փուլը: Լեւոն Արոնեան-Մագնուս Կառլսեն
(Նորվեգիա) մրցամարտն աւարտուեց ոչ-ոքի` 3:3 հաշւով, ապա մրցակարգի
համաձայն, նրանք խաղացին 4 պարտիայից բաղկացած արագ շախմատ: Կրկին
գրանցուեց ոչ-ոքի` 2:2: Յաղթողին որոշեցին կայծակնային 2
հանդիպումները: 2:0 հաշւով առաւելութեան հասաւ Լեւոն Արոնեանը եւ
անցաւ 2-րդ փուլ:
Յունիսի 6-ին կսկսուեն 2-րդ փուլի հանդիպումները: Արոնեանի
մրցակիցը կլինի Ալեքսեյ Շիրովը (Իսպանիա): 2-րդ փուլում իրար հետ
կմրցեն Պետեր Լեկո (Հունգարիա) - Եվգենի Բարեեւ (Ռուսաստան),
Սերգեյ Ռուբլեվսկի (Ռուսաստան) - Ալեքսանդր Գրիշչուկ (Ռուսաստան)
եւ Բորիս Գելֆանդ (Իսրայել) - Գատա Կամսկի (ԱՄՆ) զույգերը: Այս
փուլի յաղթողներին կմիանան աշխարհի չեմպիոն Վլադիմիր Կրամնիկը,
Պեոտր Սվիդլերը, Ալեքսանդր Մորոզեւիչը (երեքն էլ` Ռուսաստան) եւ
Վիշվանաթան Անանդը (Հնդկաստան): Սեպտեմբերին Մեխիկոյում ութնյակը
շրջանաձեւ մրցակարգով կորոշի աշխարհի չեմպիոնին: