ՀՀ ՆԱԽԱԳԱՀԸ ԿԱՐԵՎՈՐԵԼ Է ՄԻԱՍՆԱԿԱՆ ՔՆՆՈՒԹՅՈՒՆՆԵՐԸ ԲԱՐՁՐ
ՄԱԿԱՐԴԱԿՈՎ ԿԱԶՄԱԿԵՐՊԵԼՈՒ ԱՆՀՐԱԺԵՇՏՈՒԹԻՒՆԸ
22-05-2007 17:15:00 | Հայաստան | Հասարակութիւն
ԵՐԵՎԱՆ, 22 ՄԱՅԻՍԻ, ՆՈՅԵԱՆ ՏԱՊԱՆ: Այս տարի առաջին անգամ
կիրառուելիք միասնական քննական համակարգի հետ կապուած հարցերն են
քննարկուել նախագահ Ռոբերտ Քոչարեանի եւ կրթութեան ու գիտութեան
նախարար Լեւոն Մկրտչեանի մայիսի 22-ի աշխատանքային հանդիպմանը:
Նախագահը կարեւորել է աննախադէպ մեծ ծաւալով այս գործընթացը
բարձր մակարդակով կազմակերպելու անհրաժեշտութիւնը եւ նշել, որ
միասնական համակարգով քննութեան առաջին փորձի յաջողութիւնից է
կախուած կրթութեան ոլորտում բազմաթիւ արատաւոր երեւույթների
կանխումը:
Ըստ ՀՀ նախագահի Մամլոյ գրասենեակից «ՆՈՅԵԱՆ ՏԱՊԱՆ»-ին
տրամադրած հաղորդագրութեան, հանդիպմանը անդրադարձ է եղել նաեւ
բոլոնյան գործընթացի շրջանակում իրականացyող բուհական
բարեփոխումներին:
Լ.Մկրտչեանը նախագահին տեղեկացրել է նաեւ եւրոպական
տարածաշրջանի երկրների կրթութեան նախարարների օրերս Լոնդոնում
կայացած գագաթաժողովում Հայաստանին վերաբերող հարցերի քննարկման
մասին: